有關籃球的問題

係小六黎講 168都算好高下. 加上有52KG 對抗性黎講都OK
照我係小六到高中都會高20CM 當然呢D因人而異.
2分OK 控球 過人都OK既話 小前鋒適合你.
如果你之後比其他人都高既話 可以打大前
做中鋒既話 會浪費左你既控球
小前呢個位一般黎講都係比較全能
在NBA的球星LBJ是個好例子 控球得 助攻得 過得 撞得 2分得
搶板都得 3分都算OK

打籃球高度係有好大既影嚮，但係唔係最關鍵，反而1. 球感（即手感）2. 球場閱讀能力 3. 透切了解球例 先係最關鍵，有無見過阿叔打得蠃細路仔，矮仔壓著高佬上籃，所以....

第一， 球感， 以你呢個年紀，苦練好球感，咩位置都有可能打，啱啱學打波就諗自己啱打咩位，係收窄咗自己既可能性，只憑先天的身材條件唔可以斷定你可能啱打邊個位，最緊要係睇真正既你係點樣，咩係真正既你？就係苦練咗球感後，你同籃球之間既密契，你最有本錢最有信心打邊就打邊，但呢個只係第一步，唔代表你只適合打某個位，籃球係群體運動，球場無足球場咁大，球賽形勢隨時轉變，猶其我地亞州人身材偏差唔大，所以任何位置都有可能會打，視乎隊友組合，戰術配合，所以，第一，先練好手感！

第二，球場既閱讀能力，經驗係係人身上黎，你要大膽D，落街跟隊，一邊跟隊，一邊學野，要係唔同人身上學，人人都有經驗值得你好，但係一定要你有心去睇有心去攞，D料先會入你袋，球賽既閱讀能力係需要長時間累積番黎，不過你可以增強你既籃球觸覺，唔好迷信某一種講法係絕對啱，咁先可能發揮到你真正既實力，不過基本功一定要學到足，無野走得甩要下苦功！

第三，球例，玩乜野都要知個游戲規則先會玩得好！籃球，係一個競技比賽，要玩得好，一定要清楚了解規則，要了解規則，唔好靠聽，規則唔同經驗，如果錯咗會好影嚮你日後既進步，規則唔係被你倚賴黎係街場嗌foul，規則係保護雙方球員都係運動原則既前題下公平比賽，所以要學籃球總會每年update的球例，熟識規距係點，大家先可以盡情發揮實力！再配合你日積月累對球場既理解力，對球賽既勝負會好舉足輕重！不過大前題，你要先練好球感同基本功，猶其步法，體能！

祝你可以係籃球度得到快樂，唔係憤怒同受傷！