冷氣機會令牆出水?

Yan兄講既嘢全部都好啱，由於冷氣機一般都安裝喺較高位置，假如你部冷氣向上吹的話，你既天花板會被吹得好應，由於天花板不停直接受冷風吹襲，整塊天花板由外至內既切面溫度同你冷氣機吹出嚟既冷風溫度會越嚟越接近，咁天花板既另一面，即係樓上既地板就會好凍，好凍就會有冷凝水。樓上就算有開冷氣，都要開到盡，令室內溫度同地板溫度好接近，佢塊地板先唔會出水。

你如果企埋去冷氣機前面，將出風百葉撥向下吹，你會覺得好凍，吹十分鐘你已經起雞皮，何況塊樓板俾你吹足成晚，可想而知塊樓板所受既「冷待」係去到邊個程度。

你只要將塊百葉以水平方式向前平吹，樓上會歡天喜地向你叩十個響頭。

你只要明白一杯冰水在杯外點解有水珠,你便會明白點解樓上地台會出水.因為有溫差,杯嘅表面嘅溫度會比空氣低,空氣中嘅水份便會停留在杯面上形成水珠,你樓上無開冷氣,你有開,咁就會有溫差,這排空氣都算潮溼,你仲要將冷氣風口向上吹,便等如火上加油.仲有你樓上地台應該係鋪磚.