取消交易,賣家威脅報警,警方受理嗎?

事情係咁,
我係Yxxoo買野,
我下過bid, 但係賣家delete曬紀錄,
之後約左面交,
我1個小時前打比個賣家改時間, 之後個賣家send sms黎話要我比取消交易費$50,
我話改時間面交, 個賣家都話要我比$50,
咁我激氣咪索性取消成單交易,
跟住賣家又send sms, 話取消要交取消交易費$50,行政費$20,sms費等等,
仲威脅話備左案, 咁我本來唸住再約面交,
但佢仲將我之前問過價錢嘅其他貨,
都計埋入去佢嘅單度,
即係強迫消費多百多元,
但係佢又話就算面交完成,
都唔會銷案! 我冇理佢, 佢就話備左案,
要我比交易費,行政費,sms費wor,
明明佢自己先sms我架, 我一向都係打電話,
邊有理由我比sms費?!
佢宜家話, 我再唔覆佢,
就正式報警囉!
仲話police三個月會黎搵我,
叫我等判社會服務令,
(我想問下唔係應該由法官判嘅咩?) 我宜家貨又無攞佢,
打個比喻, 就等如走入舖頭問價唔買,
睇睇下唔啱所以唔買,
唔通個店員要我比燈油火爉?! 我真係幾想知, 呢個情況報警, 警方會受理佢嗎? 謝謝耐心回答嘅大家!!