我成日想埋呢d野,係唔係唔正常...教我應該點算好?

我由小學五年級開始到宜家中一都鍾意上堂發白日夢,但係我發覺最近個情況越黎越嚴重.

我發夢都係係到擔心我幾個fd,佢地對我好好,但係成日戒手,又跟埋班咩人係出面飲酒,爆晒粗同打交.

有時發夢則係覺得好自責..關於我屋企人ge((見下面

我宜家無時無刻都係到發夢,唔止上堂,行緊路個時,食緊飯個時,就連同fd一齊個時都會發夢,搞到佢地同我講野我都聽唔入耳.

除左發夢,我仲好似有d悲觀.我唔會覺得自己傻,蠢,都唔會覺得我好慘.

我認為自己好幸福,唔會好似d貧窮地區ge人咁慘,食得溫飽又有愛我ge家人.

但係我會覺我好對唔住我d家人,特別係爸媽.我成日唔敢用佢地比我d錢,佢地話買部靚d電話比我都唔敢話要.

因為我覺得我好對唔住我爸媽,佢地日日為我幸苦,我就日日食唔晒d野,浪費佢地比我個d飯錢,日日三蚊三蚊咁搭車,又唔會認真咁讀書去報答佢地.

我有想過穩日真係好好溫書,但係我做唔到.我一望到本書又會發夢.宜家我連功課都冇做,日日番學校抄同學個d.

我真係好不孝..周圍都係愛我關心我ge人,但係我冇報答佢地...

我好唔鍾意自己,點解爸媽個女會係我呢d咁不孝ge人...

我從來冇想過傷害自己ge事,因為我唔想佢地擔心,傷心.

我好想比佢地覺得欣慰,唔想比佢地冇代價咁養大左一個平凡人,甚至係一個需要比佢地養一世ge人.

呢d情況我一直冇自覺..直到出左今次考試ge成績表

唔好話比我聽,好好讀書就得啦,邊個唔知乖乖地讀書就可以慰勞佢地.但我真係做唔到...