學車牌問題!! (私家車棍波)

棍波私家車 ?? 這組合有點奇怪... 一係棍波客貨車, 一係就自動波私家車... 棍波私家車雖然有得考, 但困難程度同棍波客貨車一樣... 如果只係想快, 就應該考自動波私家車, 起碼合格都易 D...

不過一日學 8 個鐘係冇用的... 學車唔係學得多就一定好, 有一點講天份講資質. 師傅講, 有資質嘅學 10 零個鐘已經好好, 但如果手腳協調同感覺有問題, 40 個鐘都一樣唔得... 而且筆試合格後大約有 2 - 3 個月時間才是路試, 平均學習, 每星期 2 堂, 每堂 2 小時, 考前再補多幾課, 應該已經可以了. 政府冇規定最少學車時數的... 不過運輸署建議不少於 35 - 40 小時...

駕駛考試的筆試, 真係可以一句 "考試真係冇難度". 應該係人生入面最最最最簡單, 而又最最最最易合格的考試了 !!!幾日時間已經足夠溫習. 2 天已經足夠了. 不過, 首先強烈建議你睇在運輸署個一本 "道路使用者守則", 由頭到尾, 慢慢睇一次. 如果唔係, 你只係死背 MC 而已, 明唔明真係唔知. 睇完本書大約只需 90 分鐘. 這本書對考慮, 甚至日後駕駛都有好大幫助 !!! 唔好睇少, 有 D 野唔睇你真係唔知 !!!睇完本 "道路使用者守則", 就可以落手做份 MC... 睇係冇用既, 要自己由頭到尾, 一條一條咁做, 通常只會有 200 多條 MC, 做一次約需半小時而已. 做到 100% 全對, 通常只需要 2 - 3 次便可完成. 這樣, common sense 或簡淺問題一早已冇難度, 你不肯定的答案也應該沒什麼問題了. 這本 MC 作用非常大, 但只限考試. 日後駕駛合格, 考到牌後, 最好都係睇多次 "道路使用者守則", 安全至上 !!! 這刻講你可能唔明, 考完牌, 真正自己一個坐上車, 你就明白 "新牌仔" 駕駛真係有一定危險的

係駕駛學院, 定係搵街鐘師傅學車好, 永遠都係得個拗字... 見仁見智.香港駕駛學院學費貴, 但合格率較高. 其中一個問題係每次教授既導師同車都唔同. 有人話唔同人教可以吸收唔同好處, 但同樣就會有唔同方式既指示, 好易令到初學者難以適應. 另外唔同車, 就算同一型號, 性能都會有分別. 不過駕駛學院會係學院內學足鐘先出街, 咁樣就會安全一點.街鐘師傅竹的質素的確難以保證, 良莠不齊情況存在. 一定要搵人介紹或者口啤極好的師傅. 我也聽過 / 睇到好多師傅呃鐘, 上堂睇馬經, 聽收音機, 扮去 toliet, 甚至瞓著左等故事. 當然害群之馬就一定有, 唔可以一竹篙打一船人既...街鐘學車既好處係一個人教晒, 一架車學晒. 咁樣你對架車既性能會好熟. 而且會係路試場車學車, 即係邊度學, 邊度考... 當你考車時, 條路你已經揸過 N 次, 好難唔熟... 不過因為多人學車關係, 當然掉頭 / 泊位時, 成日都要排隊, 浪費左時間... 另外街上學車成日比人恰, D 的士小巴會係咁插你... 但另一方面, 又可以吸收實際既經驗 WOR...講返我自己, 我係李 X 度學既, 因資質問題 (手腳不太協調), 學左約 40 小時先 PASS, 學費 + 考試用左約 8000 蚊. 但自知唔關師傅既事, 所以冇怪佢. 一開始學校 ASSIGN 比師傅比我後, 一切聯絡約鐘就自己同師傅 2 人攪掂, 期間一直同一人教車 (放假除外), 態度 OK 算有禮貌, 有傾有講. 我覺得可以 LOR... 至於點樣選擇, 你自己決定啦... 如果係搵街鐘師傅, 熟人介紹後打電話及師傅, 佢就會教你點樣做... 如果係搵駕駛學校, 你帶個人同埋地址證明上去, 職員自然為你做野了...

2012-05-17 20:25:37 補充：
不可以... 考試日期只可推後, 不可提前...

2 個月,肯定不行.