為什麼樓價可不斷創新高?政府需要出手打壓

樓價係高,但唔會幾年內大跌.

2012-05-12 21:42:33 補充：
樓價不斷升高,主要3大原因:利息低,外資湧入,供應少.

利息低形成房地產會係一個泊錢既好地方,賣左樓套現,錢一樣要搵地方放,點唔會以錢借錢收一個高於銀行既息率?有2點原因開始淡化呢種套利方式,第一係要5成首期,第2係出租回報率愈來愈低(因為樓價愈來愈高).

外資湧入,國內資金不斷進入房地產市場,其一係張身分證,其二係香港對私產保護能力高於國內,人民幣愈升愈有,亦堆高香港樓價.

供應少,不透明,過度集中於幾大發展商.

2012-05-12 21:49:42 補充：
香港人買唔起本地樓,可以引證出樓價係貴,但咁唔代表樓價就因此要跌,因為只要實體經濟追上亦可,但機會唔大,問題在於,政府係咪要幫年青人置業呢?又如果以打低樓價黎幫,同時亦對現有業主唔公平,又咁,假如因為加息,外資流走,增加供應而引發樓價下跌,跌3成,到時年青人又係咪會買先?你話一層屋仔3百萬好貴,後生仔買唔起,咁就跌3成到2百萬,其實一樣好多人買唔起,因為係有人一世都買唔到,唔肯儲錢,幾平既樓都唔關呢班人事.

2012-05-12 21:57:14 補充：
政府需唔需要出手,答案係出左,但永遠都冇人知係有冇效,只知道係有影響.個人黎講,買層樓唔係單講呢幾年會發生咩事,因為買左頭5年都升,跟住果5年跌突亦都可以.上次97爆破,唔係講緊96,97買既人死,連90,91買都出事.

政府左右樓市既力量係有,但唔會太出力,解決一個問題可能產生三個問題,又假如政府出手過於明顯,跟風既人又會有怨言(政府堆出盈富基金時,曾經有人提議過政府包生仔,差不多等如要政府出船飛請你去澳門,然後仲要包你贏埋錢番黎).

更正: 樓盤供應不少. 但空置率高.

以下純屬個人意見, 只作參考, 如有令大家引起不安, 敬請見諒!

今時今日, 政府已經唔駛出手了:

因為樓價已經高處不勝寒了, 也脫離了一般人的購買力, 一對年青人的置業夢, 原來也就是一間4-500呎的屋???

如果大家可以心水清一點的, 大家也可以見得到春江鴨已經在減磅了???

再看環球經濟, 自從金融海嘯, 至今也仍未復原, 當前又遇到歐債肆虐, 世界經濟已經進入了收縮, 很多公司也宣佈現時的處境, 已經比金融海嘯的時候更困難, 也開始有金融機構出事, 也好可能, 一場金融災難已經一觸即發了......

如果不幸言中, 新政府上場要做的事, 不是要打壓樓市, 而是要穩住樓市......