studying abroad

halo, 我係英國讀緊書, 希望幫到你丫=]

1.我報個間學校比左張揀科表我,但佢淨係比我揀4科,我想揀多科,學校會唔會比?其實我想問係一般情況下會唔會批?

>> 首先, 英國既gce 唔同dse 唔同hkcee, 好多學生都只係會讀4科, 就好似agent 講咁, 你去到A2 就會drop 走一科既, 但當然, 係睇你第5科係想讀咩啦, 因為如果你第5科係中文既話, 咁就應該冇問題, 學校都會俾你揀, 但如果係一d academic 既野, 係唔會俾既, 一黎時間表fit 唔到, 你可能要自修, 你一自修, 學校又怕你拉低佢個grade, 而入英國同hk 既大學, 都只係要3個AL, 所以如果唔係中文既話, 係冇必要讀咁多科既, 因為讀得多, 唔代表你一定入到TOP 既大學, 係睇quality 而唔係quantity

2.我得F4 level,未讀過gcse,咁會唔會好難catch up?由呢家到9月有無可能讀晒gcse syllabus?

>> 如果你已經知道, syllabus 唔係同dse 一樣既話, 咁我覺得你唔好諗話要讀5科, 因為dse 同gce 唔同, 所以如果你一次過take 5科, 會難, handle 唔同, 同時, 你只係得f.4 既stanard, 一定要讀5科既話, 可能會拉低埋另外果幾科既, 而gcse 既phy, chem, bio, 如果你係hk 係有讀過science 既話, 應該會ok, 但provided 你真係要讀, 而唔係話就咁睇下本study guide 望一望就算既..

3.我想揀多科bio,但又唔清楚到時上課模式係點你叫我背無問題..但係bio會唔會勁多補課and lab report? 順便問埋phy同chem..係咪堂堂都做lab,少theoretical既野?

>> bio 就係有野要背啦, 考試會有essay 既問題, 同埋平時要做coursework, 一年要做2個, 有時有d 學校係有field trip, 咁你讀bio 就一定要去, 去完就交report. 而phy 同chem 都係要coursework, 都係一年有2個coursework 要做, 係計分既, 而亦會有practical exams 既.

4.如果真係揀多科bio,會唔會勁大workload?雖然我知入勁U既話讀多d科著數d, 但其實主要都係為興趣,話晒phy chem bio 3科野interrelated,唔想拆散讀,但我又想讀maths--.想問下如果真係讀5科,係咪1食完lunch就去溫書,1d free既時間都無?

>> 首先.. 你另外果4科係咩黎架= =" 如果係phy, chem, maths, f. maths 再加bio 既話, 你又冇讀過f. maths, 又只係得f.4 既話, 我覺得, 會難, 而入uni, 唔一定係多科就好既, 我都係得3個AL, 咪入到好學校, oxford 都in 我啦.. 所以... 唔係睇你讀幾多, 而係睇你讀得好唔好, 同埋你有冇eca, 如果你只係書呆子, 英國大學都唔會consider 你的, 如果有2個學生, 佢地既eca 係一樣, 一個係a*a*a* 另外一個係aaaa, 佢地有機會睇a*a*a* 果個多既... 同埋要睇你係想大學讀咩, 如果你只係aim normal 既science 科, 又或者係business 既話, f. maths 係唔駛既, 你只要phy, chem, bio, maths 就可以, 如果係你engineering 既話, bio 就唔駛讀. 我覺得如果你真係有興趣, 你係可以睇下, 但唔necessary take 佢做一科黎講, 因為bio 真係有好多野要讀, 如果有一d 唔好既老師教得唔好.. 真係會出事的... (我果時讀bio, 就係咁了), 唔係剩好多free time 既...

5.如果無eca,係咪無機會入勁U?

>> 機會會少, 因為大學係睇重呢一d 既, 因為佢地唔想要一d 只係識讀書既人, 而且一d top 既uni, 年年都有幾千人去apply, 個個都係有a*a*a*在手, 咁大學就係用eca同埋personal statement 睇下你係唔係個全面既人, 如果你冇eca 係會唔好的.

6.Sports day呢d活動係咪逼你參加?

>> 你可以揀唔參加, 好多時去到6th form 佢都唔會話你一定要去既, 如果你真係唔想去, 同學校講, 佢都應該會俾, 我記得high school 果時, 真係冇去過sport day 的=v="

希望幫到你丫, 有d咩可以再email我的=]