關於Canon EOS 600D 問題

對焦人物清析，但遠少少和近少少仍有一段距離都會清楚，呢個叫『景深』
要人物突出，要令個『景深』淺，即係遠dd同近dd好快變濛。
景深受兩樣野影響
(1)光圈，越大越淺，即係要數字小，例如1.4。如果你用跟機鏡，可能只有去到3.5
(2)焦距。越遠越淺。例如18-135，用135會淺，即係zoom到最大。
用600d半按快門取得曝光後，可以手指撥個撥輪，把曝光臨時改變，把光圈撥到最大，立即重半按住快門，就可以控制景深。當然你亦可以較到光圈先決達成。

補充一句，仲有第三樣野可以控制景深，就係相機同拍攝主體距離愈近，景深效果愈明顯。
換句話說，如果你做齊喱三樣野都覺得效果未如理想，你仲有兩個方法
第一，執相
第二，買大光圈鏡頭，如果你想買大光圈又唔想太貴可以考慮一下定焦大光圈，價格相對平好多..
:-)