既然質量愈大 吸引力愈大

樓主問得非常好。太陽對所有行星，包括地球，時刻都有引力。好似一個波被拋高之後以拋物線跌番落地一樣。一件物件運動初速愈高，佢跌落地既拋物線落點就愈遠。

呢樣野人人都明，但人類史上最偉大既科學家牛頓唸到一樣從來無人唸過既野，佢問，如果有一個球體(佢用既例子係炮彈)，初速極高，會唔會個波最終唔會跌番落地﹖ 最後佢地設想被証明係事實，行星圍繞恆星運行既原理就是如此。其實地球每一秒都“跌”緊落太陽，只係地球既運行速度夠高，佢既軌道變成一個閉合既橢圓軌道，令地球永遠“跌”唔到去太陽表面上。所有繞太陽運行既物體都係以呢個方式運行，只係各星體既軌道各有不同而已。

樓主既補充問題亦非常好。地球繞太陽既軌道係過去45億年大致穩定，但據天文學家講，地球繞太陽運行既角動量(Angular Momentum)逐年減少，地球既軌道會逐年收縮，但由於每年角動量損失極少，要地球撞上太陽要幾百億年之後，到時連太陽及地球都已經爆炸消亡。

引力係各種物理力中最特殊既一種。引力理論上有無限遠既作用距離，而且永遠互相吸引，理論上幾十億年後一粒石頭對你我都有引力，只係由於力量太小，可以不理，亦無可觀察之物理現象。引力係最奇怪既力，首先我地唔係好知呢種力點樣傳播，過去幾十年物理學界都認為佢係以重力波(gravitational wave)既方式傳播。可惜重力波即使係理論層面都極其微弱，要偵測極端困難，依家全球科學家都唸左啲辦法，例如派飛船上太空量度。另一個問題係依家物理界既最高頭獎，即係大一統理論，已經將電磁力、強力及弱力統一到一個理論之中，但始終都無法將引力統一到呢個理論之中，依家係歐洲核子研究中心既強子對撞機，即係幾年前好heat既“末日機器”，做緊既好多實驗就係嘗試為大一統理論搵證據。

如果好似你所講咁,咁地球上既衛星咪跌晒落地?!
其實Gravity有作用落衛星,令佢有circular motion.

另外,每一個物質粒子都會吸引所有其他既物質
所以例如月球,都會有Gravity,不過比地球細
呢d都係mechanics,將來會有兩個topics叫circular motion同埋Gravitation