係外國讀書, 唔開心

halo, 我係英國讀緊書, 希望幫到你丫=]

1) 我去左英國幾個月,讀緊year10( f.3/4)雖然D同學都有同我傾計,但我唔係好聽得明,又唔係好認得D人,上堂又唔係都唔知做咩咁

>> 我用我過來人既經驗同你講啦, 我果時都係yr 10先去英國既, 好多時, 都係好怕同人講英文, 亦都好怕d 英國人唔知點睇我既, 但係, 如果你愈係怕, 你就愈係學唔到野既, 一開始, 係有d 難, 我果時仲特登買左個mp3 走去上堂record 左個lesson落黎既, 但係真係有幫助既, 你聽得多, 番聽多幾次, 就會冇問題了... 我相信, 你同班點都會有一d 好好既英國人, 佢地一定會幫你, 只係可能你唔敢問既, 而亦會有一d hk 係比較好, 咁用番中文同你講, 就冇問題了, 開始係會有少少"瘀", 但係之後, 就會冇問題架啦, 唔係個個一去到英國都好識講英文同聽架嘛... 如果真係咁勁, 就唔走去英國讀啦係咪? 而認人方面, 我都用左好耐時候, 我地認英國人難, 佢地認hk 人都係難 (有個英國人同我講, 話我地asian 個個一樣樣= =" 所以, 唔係大問題, 唔好aim 你要全級人識哂, 係幾個月入面, 係冇可能既, 但係, 如果你肯去識你同班既人, 應該係唔難既.

2) 我英文又唔算太好,距離GCSE得番2年,之後又有A level, 好驚應付唔到...如果考唔好就入唔到大學><

>> 咁又唔會既, 我相信你係可以的, 只係太緊張啦, gcse 比起hkcee同dse 都要易, 而你又剛去, 好多野, 你都應該會學過, 問題就應該唔大既, 而同時, 好多科都係要背野既, 如果你focus 一d, 咁就應該會冇問題的, 而英文, 如果你學校係一定要你考既, 你做多少少exercise, 咁就可以了, 因為都係poems 果一d 會出問題... (果時我都好驚... 每日一篇咁寫-.-" 係咁俾個老師睇...而家諗番起... 都有d 恐怖-.-") 但相信我, 做得多, 你就會熟, 知會點答, 如果你坐係度咩都唔做, 就一定有問題了. gcse 係入大學screening 既第一步, 但唔代表衰左就一定入唔到大學, 因為仲有as 同a2 嘛:) 而學校有咁多人幫你, in the worst case, 咪番黎hk 搵人補習! 咁又一定冇問題了:D

3) 又唔敢同媽咪講...點算好...?

>> 有時有一d野, 唔好諗得咁negative, 個人都會開心一d, 自己一個係英國, 初時都會有home sick, 但係諗深一層, 唔係個個都有機會出去讀書的 (我答左n 咁多條英國留學問題, 就知道了), 所以, 好好咁珍惜呢:D 英國有好多野, 你仲未發現, 等你留多幾年之後一你就會發現, 你唔想番HK 的了 :D (果時我真係恨不得快d 番hk, 但而家都係度8年了, 英國真係變左我第2個屋企, 真係有d唔想走既感覺 :( 諗開少少, 同下朋友傾下計, 出下街, 出town 買下野, 冇野做去sainsbury 行下, 咁都會有多d 正能量既:)

希望幫到你丫, 有d咩可以再email我的=]

呵...其實我同你情況差唔多，
只係我去既係美國，
而且去既時間點比你再早少少。

以我自己既經驗為例，
基本上第一年係會完全"混"著過，
我仲超唔好彩地，果陣校內岩岩好冇華人；
係完全冇人幫到手既狀態下，
所以唔好話去上堂，就連理解校內系統都花左唔少時間；
有人好奇搵你係當然，但冇辦法溝通到更係理所當然因為岩岩去，你係冇可能兩下就習慣到英文既環境，
特別我地中文語系本身太與別不同，
所以你先頭幾個月，唔洗太擔心住。
基本上語文能力強既話，第二年開始就會好好多。
如果夠好彩，有都係由外國黎既同學，
不妨認識一下佢地，
有互相交流，可以進步得快好多

我自問語文能力好差，
但第二年之後基本上堂就已經冇大問題，
只係仍然識唔到"真正"既朋友，
但如果習慣到一個人生存其實就冇咩問題，只係累少少

至於成績方面，
因為我唔係係英國，所以冇辦法答到你。
但如果你係中三果陣走既話，
基本上最低限度既自習能力都已經具有啦，
所以只要平時多留心一D，
只要知道老師教緊既到底係乜野，
淨底有咩唔明都可以上網問／搵答案...就至少我係咁活過黎家啦，另外，一開始有一部字典機跟身可以幫到你唔少。以下附上待[email protected]有咩唔掂都可以搵我，雖然我唔確保一定可以幫到你啦XD加油！

係外國讀書, 唔開心!

你好，
關於你想知道的答案
其實可以透過「姓名學、易經，或是紫微斗數」知道解答

推薦你可以參考一下這個免費算命網站
有免費的紫微斗數算命
易經占卜算命，
以及 姓名學名字好壞分析

對你知道未來的發展，有正面的幫助 網址: http://www.wretch.cc/blog/applexie123/562818 推薦一下︿︿

同學有同你傾計咪好囉! 聽唔明可以問佢地可唔可以講慢d或者解釋下, 然後就試下回應佢地, 咁佢地就會繼續同你傾計, 你d英文又會進步! 可以試下記住同學d名, 尤其是同你傾計gor d, 做下朋友!

上堂如果聽唔明, 就要問, 如果唔敢即時問, 就落堂之後問, 英國d老師好有耐性, 會好歡迎你問問題架!

GCSE 只係英文同數學比較重要, 雖然申請大學既時候都要填所有 GCSE 既成績, 但係d大學通常只會要求英文同數學達到某個grade!

到你讀到A level, 你d英文實會已經好好, 又會習慣晒英國既教學方式, 考A level無問題啦!

英國入大學無香港競爭咁大, 喺香港成績達到要求都未必收, 但喺英國成績達唔到要求都可能會收! 所以唔駛咁早擔心咁多啦!

宜家你只要跟得上課程, 融入英國生活, 識下朋友咁就得啦!