釘野落一塊好薄既金屬，用咩螺絲？

做人唔好盲目懷疑，亦都唔好盲目相信。以前有個油漆師傅同我打工，啱啱潮濕天，噴油加咗化白水都重係發紅。佢就教我溝D漒水落去，話包掂。咁我就問佢，如果「那」爛D哂柜係咪喺佢人工度扣番？佢又支吾以對，一味話呢招只係老師傅先識，一味叫我信佢。咁我問佢今年幾歲，佢就話同譚詠麟一樣，年年25歲。

如果呢度個個師傅都唔肯交低按金俾你，做好咗冇事就攞番，有事就扣錢。你可以質疑佢地回答既可信性。

你快D嚟我公司攞按金先，每鑽一個「燶」有十蚊按金！

而家我教你，好實際﹕打拉釘。咁對面就唔會有尖口突出嚟，只係有幾個性感既肚臍「燶」，私影都得！

2012-05-12 08:22:57 補充：
哈哈！yan記六粒猩兄，釘夾板底？唔好玩人啦，人地果幅唔係牆，係鐵門嚟。…呢度冇個係好人。
仲有，題主叫我評價你既講法，你話我俾唔俾佢挑撥離間好？

2012-05-13 12:28:40 補充：
先更正，上述某句應為﹕潮濕天，噴油加化白水加到發紅都重係發白。

既然你不惜挖我瘡疤要脅我，咁我唯有講。

YAN兄提供既方法的確係最間單最易做，效果又好既方法。只可惜最重要既一點佢竟然提都唔提…

賣吓關子先。

2012-05-13 23:44:27 補充：
當你貼咗塊鏡上去之後，由於玻璃膠既凝固速度好慢，假如鏡底冇承扥物，有機會出現以下情景﹕鏡既重量會好溫柔好溫柔、慢慢咁扯開d雙面膠紙，不出一個時辰，塊鏡就會跌落地。如果你企喺隔離目擊事發經過，你個心會跟住塊鏡一齊碎，碎鏡片亦隨時會飛埋嚟介傷你，所以你最好搵兩支木枋或其他可以就地取材既嘢頂住塊鏡，第二朝先好拆，專業既玻璃師傅都係咁做，你仲要考慮埋鐵門上既漆油實唔實淨，有冇撲。一般未一片片剝落既磁漆都可以食得住個底。

2012-05-13 23:46:05 補充：
一位以六粒星自居既問題回答者，係唔應該提供一d有機會令發問者身心都受到創傷既回答，咁樣會降級得番五粒星。至於嘉誠兄同陳大文，其實佢哋應該大義滅親指出有問題既地方，可惜佢地都只係助紂為虐，頗為令人婉惜。

不過又唔怪得佢地，你睇你第一個回應就已經斬釘截鐵否定人地﹕「膠紙太化學嘑，我要直接釘落去！」

人哋俾堅料你你又唔信，咁人哋仲有乜嘢好講？喺知識+你唔信人哋既答案，人哋冇必要令你信，又唔係欠你既。咁你話要釘，我咪叫你用拉釘等你慢慢釘到夠囉，呢個又唔係唔work既辦法，喺鏡碼前後加d膠皮墊住咪得囉，人哋浴室企缸玻璃掩門都係咁樣夾住塊玻璃啦。

2012-05-13 23:46:34 補充：
你都識得講你冇有關知識，咁你係咪應該先去了解清楚咩一回事然後先至否定呢？

俾d貼膠紙既意見你，雙面膠紙係大約一兩mm厚嗰d，你呢個case由於塊鏡會撞爛既風險比常規位置大，所以膠紙最好只貼喺接近鏡既四邊位置，玻璃膠就唧喺膠紙內圍離開膠紙1吋位置，好似六筒咁唧六點就夠，每點好似五蚊咁大舊左右。如果介刀可以伸入去介到d玻璃膠或膠紙，萬一撞爛，換鏡就比較易，唔使扑爛。但玻璃越係空心越易撞崩撞爆，最好塊鏡有多d位置有玻璃膠或有膠紙墊住，之不過如果中間有好多膠，換鏡就要扑爛然後慢慢摌d膠先換到，相當麻煩而且危險，你自己衡量。

2012-05-14 00:39:32 補充：
撞爛意思係撞爆，扑爛意思係扑碎，兩者唔一樣。

2012-05-14 06:05:29 補充：
你咪講咁多，唔好詐詐帝帝，快d搣番粒星落嚟！

2012-05-14 06:13:13 補充：
快d另外開題問吓浴室企缸玻璃掩門是甚麼啦。

2012-05-15 00:37:37 補充：
我覺得題主係十指不掂陽春水果隻，而且冇諗過自己係弱勢發問者，駕馭唔到我哋呢d 粗人。

2012-05-16 16:31:25 補充：
yan記，冇錯，題主同我臭味相投，佢已經向我求婚，就嚟同我結婚。
你把口就話少一粒星小問題，但係而家我仲係見到你有六粒星喎，你同題主都一樣唔係身體力行喎，你同佢都一樣有得fight喎。

Kaisar，點解你咁多英文名唔揀，係都要揀個Kai字行頭既名？咁人地見你個名有個Kai字，咪當你Kai仔看待囉，結果咪當你傻既囉，你唔怪得人既喎。

我唔認為你個網名唔需要為今次既事件負責。

2012-05-16 16:31:44 補充：
除咗你改壞名之外，其實你最大問題就係對裝修佬既文化冇認識。裝修佬有裝修佬既文化，裝修佬既文化叫做武文化。所以亞大文會出蕉、亞yan會偷柴。平時喺d裝修地盤假如有d講嘢斯斯文文既西裝友走埋嚟，裝修佬都會當佢異族看待，試問你點能夠喺幾個裝修佬面前講埋d甚麼演繹推理、歸納論證既嘢。裝修佬字都唔識多個，點同你玩呢d嘢啫？你咁樣係唔得架！你唔好提呢d嘢吖嘛！如果你企喺山邊，佢地一早己經推咗你落山崖添啦，仲同你講咁多？

2012-05-16 16:32:11 補充：
除咗文化上既衝突之外，你對回應既處理方式亦都令佢地覺得你唔乖。武文化既人對住d佢地認為唔乖既斯文人最叻就係摌摌摌！你今次既遭遇叫做秀才遇著兵，呢喃係冇用。

如果想堅固耐用,咁緊係燒焊啦.

2012-05-10 16:26:02 補充：
問呢位朋友似乎唔明白,件鏡係會裂,講真,係冇可能裝上門,靠螺絲做力.

用雙面膠紙加玻璃膠係最好,因為係成件鏡平均受力,而玻璃膠更令鏡與門貼實,有靠山.

yan師傅即係yan師傅,講2句就點醒你,不過最衰你又唔識欣賞.

ps:燒焊係得,但你未必出得起錢.

2012-05-11 22:26:31 補充：
咁啦,既然你咁認真,我都詳細d同你分析下,首先我要同你講,我知道並唔係因為叻過你,只係犯過你所犯既錯,即只係比你有經驗.

一面鏡本身好硬,唔易裂,但以你既安裝方法,用碼收實,完工後會有碰撞,鏡同門會"澎澎"聲,咁你即係要面鏡同隻門成日撞黎撞去,點會唔爆;假如收實d又點呢?問題就係:門唔一定平,果4隻碼會強迫玻璃變形,亦冇哂空位去預留熱漲冷縮.

用玻璃膠就可以完全將門同鏡緊貼而又不令玻璃變形,再講,萬一真係裂左,件玻璃都唔會成件跌落地.

2012-05-11 22:32:00 補充：
至於打拉釘,係可行但不能行.

因為呢個做法係一種高水平施工方式,舉例你去踢罰球,目的就係要射入龍門,射到香蕉形罰球當然最好,但唔一定為左要型就盲目射香蕉球,入到波先最緊要.

講番拉釘,呢種方法同燒焊既水平同要求都一樣高,做價亦唔平,唔建議你咁做.

2012-05-12 10:49:35 補充：
我地講下一個合唔合理既問題.

假如我地要新做一隻金屬門+鏡面裝飾,幾乎可以肯定係唔會用"明裝"既方式,件鏡一定係"暗裝",前後上下左右都包實,金屬與鏡位一定落避震膠,然後四邊打膠.

而家係因為加件鏡上去,即表示鐵門原來設計係冇預備過會咁做,第一隻門會重左,門較受力加大,第二以明裝方式,點解決避震係問題.

2012-05-12 11:06:27 補充：
問問題呢位朋友,你唔信玻璃膠好力過螺絲,但你亦要知道,螺絲係呢個情況下仲衰,第一會滑牙,第二係會鬆,自動退牙.

你有冇考慮過件鏡跌落黎既後果,又,隻門又係咪公眾出入口呢?

2012-05-14 14:25:10 補充：
其實呢,問果個係眼高手低,又想打高章但又力不從心.

yan師傅果個方法人人讚好,你又唔鍾意,係都要迫其他人幫你諗偏方.

朋友,唔通呢度幾個人夾埋黎玩你咩.

仲有呀,有時d工程技巧唔係唔想講,而係你擺明唔識係講黎哂氣,玻璃膠係咩又唔知,拉釘係咩又唔知,鏡既水銀特性再加鐵你又唔知,嘜都唔知,講條蕉咩.

yan師傳所講的絕對正确，也是三行佬常用的.......

既然你覺的太化學，用機絲，五金鋪買。

2012-05-14 19:33:06 補充：
Tai Man兄：
你講出了師傅心聲.........

如果表面平,滑(即係膠紙可貼),可用厚雙面膠紙加中性玻璃膠.

2012-05-11 23:13:20 補充：
哈!O記915兄打拉釘,唔好玩人啦,不過題主可以買拉釘鉗和拉釘試下,要明白拉釘什麼位置會受壓力.仲有題主我答題也喜歡互動,不過唔可以每小時留意電腦,都要返工和...............

2012-05-12 00:01:04 補充：
題主,我可以講回答問題這幾個人兄都係近年經常回答裝修問題嘅工程人員,你如果可以唔信自己再問,不用在這題上要我們看另外賜教,明唔明?你大可看我們回答記錄!
要釘夾板底,因牆面不平才加板,之後上鏡除可用雙面膠紙加中性膠,也可在鏡鑽孔上螺絲.用鏡碼,一樣要收螺絲.如果你一定要用螺絲要唔尖(除機絲外),可用自攻螺絲,不過要慢慢小心.

2012-05-13 01:01:56 補充：
題主,我係第一個俾(意見)你,所以你選邊個都唔關我事,我只係一開始俾你一個最簡單可行的方法,希望幫到你,唔知點解你會咁複雜.至於加板底,我都講左係不平嘅牆上(其實係回應你7012051100036嘅回答).至於螺絲會鬆脫也會有可能性,因為是收在薄金屬上,當長時間有震盪會慢慢鬆脫,一般機絲會加上彈介,鋁窗鉸螺絲(有部分人會做)可加上螺絲膠,有D裝窗口冷氣機嘅師傅會在機架螺絲母上唧上玻璃膠,作用都係防止螺絲鬆脫.

2012-05-13 01:09:29 補充：
仲有雙面膠紙只係貼幾條用作定位,因為玻璃膠唔會即刻乾(鏡底要唧膠,當然唔好唧落雙面膠紙上),記著唔好用酸膠,用中性膠.

2012-05-13 01:49:02 補充：
唔............題主和O記915兄嘅發問和回答方式有雷同嘅地方............而915兄悶嘅時候也喜歡玩下嘢............

2012-05-14 00:33:30 補充：
唔................竟然轉軚............

2012-05-15 00:39:48 補充：
係!笨左,咁多嘢問應該叫佢找玻璃佬.本來我仲想講多D.打拉釘用鏡碼都OK,用木線封邊...........Kaisar,你連玻璃膠,拉釘,邊種雙面膠紙都唔知,唔清唔楚,也沒有身體力行去買返來嘗試,只係得個問字,仲有係到答得問題嘅師傅除了打發時間外,也是希望幫到真係想DIY嘅人,師傅都係學徒做起,要身體力行,唔係問下就識,都會失敗才會進步,你都沒嘗試過,又怎有能力去評價在這回答的師傅??????????????

2012-05-15 00:45:04 補充：
O記915兄:六星少一粒小問題,最緊要會好少條柴.

2012-05-15 20:30:13 補充：
O記915兄:題主真係同你有得FIGHT!我就呢斷氣,而家要休息下回一回氣,所以要投降.