買保險的問題!!請知深人指教。

去中銀 問下有個PLAN$800元,等同你買作賠償一切一切,
保險有: 1.人壽 2. 住院 3.危疾 4. 意外受傷


另他們可以在二、三十年後取回本金加利息。

1.本人是90後。
首先恭喜你, 好少90後的年青人會咁懂事 咁早為自己的將來打算, 而去買保險!!

2.份保險係咪貴?
第一 : 如果以人工有 14800 而月供1043的數字來看, 當然唔算貴 , 想當年我月入只有6000時都月供1千以上的保險費.
第二: 如果你話份保險有 1.人壽 2. 住院 3.危疾 4. 意外受傷 , 有4個保障來看,每月供1043 就唔算貴.
第三: 因為你無提供保障額,所以唔可以確定【卓越25保障計劃】 係唔係一個好貴的計劃 , 但宏利保險在香港唔係最貴的公司.當然你可以拎其他保險公司的計劃做一個比較 , 其實最一間公司的計劃都有唔同的好處,無話最好的! 唔怕貨比三家. 不過因為你係吸煙人士,所以保費係會比非吸煙人士高!!

3.有冇其他保險公司比佢更平同差唔多?
因為唔知你的保險額係幾多, 所以無法知到同其他相比係平定貴, 但如果你一定要搵比佢平的就總有辦法! 不過其實間間保險公司的保費都差唔多.反而重點唔係保費,而係保障內容 , 因為每間公司的計劃的內容都有可能會不同.

4.全部相同醫療保都係無得拎返錢?
醫療保多數分2種 ,
第一係住醫院的費用實報實銷 , 這一種多數都無得拎返d 錢,而且保費可能每年會加!
第二種係 叫住院現金(可以當係住醫院有糧出) , 這一種就有可能會有關會拎返d 錢.

5.係咪供25年之後完全唔洗供?
係唔係只供25年就之後唔洗供就要睇下你個agent點幫你開單,我意思係你有4個保障 , 佢幫你開一張單 定係開4張單 !!
第一: 人壽保障 , 有d人壽保障係有供款年期的 , 例如供25年保到80or100歲 , 我估你係這一種.
第二: 住院 , 多數住院保障 都係有限期的, 多數要每年續保.
第三: 危疾 , 有可能只供25年, 也有可能唔係 , 要睇下張保單先知.
第四: 意外受傷 , 同住院一樣.

你話你個agent 話 25年用紅利幫手,之後全部唔使供 ,係有可能的~不過 就真係要睇下你張單先知係唔係 , 不過如果到時真係用紅利去供的話 , 就會影響左你張單的利益

如何有任何問題, 歡迎email跟我聯絡

很多重要的資料你未有提供，很難以問題內的數字替你比較。假如想知道計劃是否物有所值，請將以下資料電郵給我，以確保私隱不被公開。

1. 實際年齡；
2. 有否吸煙習慣
3. 宏利人壽保障總額、危疾保障名稱及總保額、住院計劃名稱和是否有額外醫療保障、意外計劃名稱和保障總額。

電郵地址係[email protected]

2012-05-16 13:58:18 補充：
為準客人準備計劃書前，首先要知道你投保是什麼原因？假如你需要的是住院、意外受傷和危疾而不是儲蓄的話，現時有一些危疾計劃已包含人壽保障，毋須額外支付人壽保費，可將保費加大其他保障部分，所以要清楚你的原意。假如你想要住院、意外受傷和危疾和讓儲蓄有較大增長的話，人壽保並不是最好的組合。你或可考慮以月供基金投資方式，以長年期分散風險，亦有更大靈活性，有需要時可取計劃內的儲備應急。回應你的問題，已嘗試用你的年齡、職業、吸煙習慣等資料在宏利嘗試準備建議書，因你未有提供原本計劃詳情，所以只是粗略估計。住院、意外傷亡和危疾大概二百多元，而人壽部分約佔40%。雖然人壽部分25後可停止付款，但其他住院、意外傷亡和危疾等，都會持續繳費以獲得保障，所以人壽部分取得的現金價值和紅利是不能隨便提取，以人壽單的價值支付其他保障，即佢所講無得拎返。如果這不是你原先投保的原意，你可和我聯絡再給你其他選擇。假如已簽名作實，再商討有甚麼方法處理。

1. 睇唔到詳細的保單內容, 無法評估價錢是平是貴, 也無法同其他公司比較

2. 有一樣野叫羊毛出自羊身上, 保費貴既, 佢可以幫你儲好多錢, 保費平既就儲唔到錢, 視乎你的需要而定. 不過你既 Agent 有責任同你解釋清楚當中的分別

3. 通常醫療保都係無得拎返錢, 不過如果你 keep 住會用, keep 住會 claim, 又或者一個大病, 分分鐘已經 claim 多過你咁多年俾過既錢

4. 一般黎講, 通常人壽既部份係有年期 (例如 25 年). 其他既附加契約 (危疾, 住院, 意外...) 都係長供長保直至 100 歲

利益申報: 本人為獨立理財策略師, 不代表任何的保險公司, 可以提供中立、不偏不倚的理財/保險意見. 如有需要, 歡迎 email 聯絡本人.

2012-05-09 20:38:54 補充：
其實每一份保單都設有冷靜期. (一般為保單生效後 21 日).
因此如果有需要比較而比較後有任何的決定, 那便可以運用這 21 日冷靜期去取消這張保單.

你好!我叫annie，宏利(Manulife)嘅理財策劃亦係僱員福利顧問及認可強積金中介代理人五年保險,基金, 僱員福利及強積金中介人經驗亦處理無數醫療(住院);危疾;意外等經驗. 人壽儲蓄;危疾;醫療保險我哋公司有好多種 ,有的儲蓄成份比較高,有的儲蓄成份比較少,有的完全冇儲蓄成份(純人壽),唔同客戶有唔同需要.
1.本人是90後。
2.份保險係咪貴?
Ans: 平興貴要睇價值,而唔係價錢.

3.有冇其他保險公司比佢更平同差唔多?
Ans:你要更平當然會有,宏利亦有更平的計劃,只係保障內容及範圍會有所不同.

4.全部相同醫療保都係無得拎返錢?
Ans: 醫療(住院)你冇需要時,當然拎唔返.萬一不幸因重病或重大意外入院就可以向保險公司索償過十萬,甚甚至幾十萬.有啲意外或危疾都有機會拎唔返.有的危疾中咗先有賠,唔中等於白供.
唔同價值唔可以比較.

5.係咪供25年之後完全唔洗供?
只係人壽25後唔需供,醫療一般都係供到65歲或終身,意外一般供到65或70歲.危疾有些保10年,20年,供到65歲或供到100歲不等.
唔同計劃有唔同供款年期或保障範圍.

有疑問可以問你的Agent或問我都可以.

你好。這是一份儲蓄人壽保險。紅利年年派, 同時你可以隨時提取。到25年時紅利應該都有幾萬元。
2.份保險係咪貴?
答: 貴定平, 要看保障內容。宏利的保費不算貴。
3.有冇其他保險公司比佢更平同差唔多?
答: 如果是同樣的保障, 同樣的回報, 保費應該相差不會很大。
4.全部相同醫療保都係無得拎返錢?
答: 住院和危疾不會拎返錢。羊毛出在羊身上, 如果是可以拎得返錢的計劃, 相對來講, 保費會貴, 或者, 不會保到一世。
5.係咪供25年之後完全唔洗供?
答: 人壽部份供到25年, 就唔洗供。住院是每年付費的。危疾需要看下是什麼計劃, 有D計劃有供款年期, 有D要年年供款的。

你是90後, 基本上保費是好平的。如果你想更加清楚你的保單內容, 你可以搵返你的AGENT問下, 也可以聯絡我, 為你分析下你份保單的作用。你可以按我的名字, SEND EMAIL 給我。