中意左個男仔６年，畢業應該點算好？我想我係可以陪佢一世既人。

請耐心睇一陣＞＜

我係女仔,而加17今年18，今年中6畢業


我中1學期尾既時候，
同過一個男仔(同班的)一齊左一年左右，(我諗實際係半年幾0_0)


因為後期佢吊兒郎當,3/4個月都唔同我出街傾電話,
我又第一次拍拖唔識同男仔相處,所以就講左分手,
我覺得算係puppy love


得佢同我最FD既幾個朋友知道我地拍過拖,
其他人問佢我同佢D野，
佢都話唔知算唔算係拍拖，可以算係有段情掛. .

到中二大家唔同班都無咩聯絡，但係我一直都重幾中意佢


到左中四,
我地同番一班,重FD番TIM,
係成日一齊坐一齊玩戈D,我可以話係佢最好既女性朋友
我覺得佢戈陣都係中意我,
係佢行為上我FEEL到(EG.成日對住我笑,蝦我,
佢飲醉左戈時會同我有非色情既身體接觸,好似拖手仔,摸頭,MIT面咁)
班裹面既同學都話我地好似兩小無猜


但係我中４學期尾胡裡胡塗同左同一班另一個男仔一齊，
因為我唔識得佢絕佢，
一齊左之後佢又好專制完全唔比我同人玩，
包括我ＦＤ既女仔，
見到我同其他男仔玩／笑就會發癲，
中五上學期我就同佢分左手，
原因一部分係我頂佢唔順，一部分係我係我重掛住我個初戀情人。


同第二個男朋友分左手之後，
我開始同番初戀情人玩，開頭佢都幾冷淡，但係時間耐左開始變番以前咁
係早幾個月之前係朋友口中得知佢同一外校既女仔齊，但現在巳分手


我有個女性朋友最近自己走左去幫我套口風，
話覺得佢同我一齊好襯，覺得我地係有Ｄ野，
問佢做咩唔同我一齊，
男仔就ＥＥ哦哦左陣，
就答＊
我有三不：不主動；不主動；不負責任。＝　＝
我既女性友人就叫我去追，話加上舊愛好易一齊番。


但係一個不拒絕；不主動；不負責任既男仔要黎有咩意思呢？
又有女仔追佢咁我情何以堪？（單睇外表佢相當令仔，實有好多女仔中意啦）
我又想我長大到係一個令佢自豪既女仔再同佢一齊


重有我知道我地而加一齊頂多一齊５／６年就會分手，
我地都係得十幾歲（１８／１９），
重有我都重係唔知應該要點拍拖好，
到時分左手可能無咁容易做番ＦＤ啦


如果大個Ｄ先一齊就可能有一世（可能性一定大過而加掛），
大家都成熟左丫嘛


但係如果遲Ｄ佢仔都生埋咁點算？？？
雖說話兩情若是久長時，又豈在朝朝暮暮
但係我真係唔知佢係咪中意我呀！


我應該點算好呀？
定係做一世朋友算？


畢左業唔知幾耐先見到佢呀，
係Grad Dinner戈日我好想摟下佢呀，因為真係好唔捨得！
或者下次見係Ｘ年後:(
成日搵佢又驚佢覺得煩，大家可能又有野做。


留唔留低Ｄ隱悔既說話比佢聽好？
因為我諗我３，４年內都唔會中意其他人，
我都中意左佢差唔多有６年，
期間好少見都會掛住佢，成日發夢見到佢。




對唔住我問得好亂，帶有矛盾，希望大家比下意思，唔該曬。