男友好錫佢家姐

同男友拍拖差唔多一年，開頭都好sweet, 而且目標都係以結婚為前提。但係呢一年裏面，我發覺佢嘅家庭係一個大問題，我好驚會因為佢嘅家庭而令到我同男朋友分手.
男朋友家姐有憂鬱症，對世界成日都失去希望，失去生存嘅鬥志。自我男朋友懂事以黎，佢明白到如果佢家姐開心，家姐就唔會甘容易有輕生嘅念頭. 所以我男友好錫家姐。家姐26歲，沒有任何收入，出去食野都係我男友比錢. 有次成班人去食，我男朋友去ATM拿咗3份人的錢，一份係佢自己，一份係家姐，另外一份我以為係我，點知問完先知原來係佢家姐叫佢請多個朋友，因為果個朋友好照顧佢家姐。然後我就覺得好委屈，同埋我覺得我自己根本係男友心目中冇地位，男友可以請家姐同一個朋友，都冇話要請埋自己女朋友。當時我嬲，我冇出聲，佢唔知我做咩嬲，仲要話返我轉頭，叫我顧及下佢嘅情況同埋佢家姐嘅狀況。呢次我覺得我好委屈，我以前嘅男朋友雖然年紀大我好多，但從來都好顧及我感受，同埋好重視我。
因為我現任男友嘅家姐，我同佢嘈咗好多次，佢家姐有3部電腦，一部Mac, 一部Sony, 一部HP, 其中Sony係我男友買比佢嘅, 但我男朋友就自己用咗部laptop足足5年，我有次上去佢屋企用部電腦，簡直係超級無敵慢，根本就係用唔到。呢樣唔過分。讀summer school, 我男友幫佢家姐比埋學費成$1800美金，佢家姐居然fail埋，然後為咗一個網上識嘅男仔飛返HK而放棄大學畢業。我好鄙視佢家姐，簡直覺得錢係好容易揾甘。。。。。好啦，飛咗返HK, 確定定居係HK, 美國的狗又話要運返去，我同我男朋友又為此事而鬧交，因為佢家姐話要借錢空運只狗返HK, 要一條龍服務，成為$2900美金，我簡直就唔想理。佢家姐問朋友借錢，包括我，我話我冇，然後佢又話唔會逼我地借，不過之後用咩方法去借就叫我地唔好理佢。然後隔咗幾日又話會借完就會儘快揾工還，就算做雞都即刻還，仲話冇咗只狗佢都唔想做人，甘我就借咗幾百啦，然後就幫佢辦理埋運狗狗返HK嘅手尾。不過都係仲未有還返比我。過咗幾個月，家姐又係香港飛返黎美國話要入籍，我都真係唔知佢家姐係邊度有錢，入籍要成$800美金。。。。我真係好驚如果我同我男友結婚，以後唔只要養男友個爸媽，仲有佢家姐。我男友本身就冇咩錢，之前佢本身存嘅錢全部都洗曬係佢屋企人身上。大家話呢個男嘅嫁唔嫁得過?