想買樓收租！

呢件事可以分幾個角度去睇.

2012-05-06 22:41:29 補充：
買樓收租,可以有2個方向:租金回報率&升值潛力.

同一地區,舊樓較新樓有折讓,租金回報所以會較高;買品牌較差既發展商,租金回報亦較高.但買舊樓既升值潛力會較低,注意,買樓係要計拆舊(買鋪就冇),唯一支持係地點,半山豪宅就係半山豪宅,係不變(供應唔會突然增加).

ps:租樓住既人係最關注地點,交通方便係好租過豪華會所.

2012-05-06 22:51:26 補充：
目前買樓收租唔算係好好既投資,唯一想法係透過以租養息咁去"睇"再長線上升.不過第一,利息相信冇咩下調機會,即係只會上升,息升價跌,變成係而家既相反,要2邊頂.

而家買黎收租,比5成首期,冇哂槓桿效應(如果比1成買黎收租,可以買5間,你話個槓桿幾大),買樓收租就係想自己出小錢,然後租客幫手供,如果自己出大錢,我買領匯收硬4里息仲要係買鋪(鋪一定係好過樓),又冇空置率(因為風險平分哂),又唔使維修呢樣果樣(租屋係好煩,咩都要業主維修,但租鋪就咩都係租客負責,所以我點都認為係買鋪收租好),所以,一冇槓桿,買樓收租就博唔過.

2012-05-06 22:56:00 補充：
關於租霸,而家已經小左好多,唔需要太擔心,亦都好容易攪.

如果你問我,我驚個租客係屋入面自殺,多過驚佢唔交租.

另外區份....屯門啦,果度有隻門講緊一萬蚊尺.