特別請求peterchan7708 刑事判刑問題

一般洗黑錢案, 如果銀碼係細嘅話 (幾千到一、兩萬), 都會跟高院韋毅志大法官嘅意見,判刑大約9個月 (註: 係意見, 並非判刑指引). 但係你有一個好大嘅求情 / 打官司理由, 就係 “年少無知”. 洗黑錢要入到罪, 其中一個控方要証明到嘅重要因素係: 被告要 “明知” 或者係 “一個正常守法嘅人應被預期會有懷疑嘅”. 簡單講, 無端端有人登報話買我個戶口嚟用, 無論佢用d乜理由, 我都應該會有懷疑嘅. 因為我已經成年, 亦有番咁上下學識及社會/ 人生經驗. 所以如果我賣戶口, 就肯定入硬兼一定坐監. 但你就唔同 - 你當時只得17歲, 無論你背境如何, 都可以算係 “入世未深”. 人哋話 “破產無銀行戶口出糧” 對一個只得17歲, 未必知道出糧程序亦唔識破產法例嘅年青人嚟講, 真係有可能信佢及無懷疑. 有可能係咁嘅話, 就唔係 “毫無合理疑點 (beyondreasonable doubt)” 啦! 所以未必無得打.你無講你個人背境, 亦無講賣戶口時細節, 我唔可以講係咪真係有得打. 如果想我了解多啲, 可email我.答番你問題: 1. 就算你被裁定有罪 (不論打輸或認罪), 你嘅判刑都好大機會係非禁閉式刑罰(non-custodial sentence) - 即係感化、社服令甚至緩刑, 因為你犯案時只得17歲, 即係上述所講嘅 “年少無知”.2. 當然有得求情! 你亦絕對應該請律師求情. 無錢可揾當值律師或法援. 你單案應會喺裁判法院審, 所以應該係揾當值律師.3. 如 (2)4. 如 (1)5. 判監機會極細, 所以答唔到你會判去邊. 但係走佬, 如果自首, 就會拋入拘留所 - 你22歲, 男嘅就會去荔枝角, 女嘅就會去大檻或荔枝角.6. 你無講而家喺邊, 不過你上得yahoo, 都唔會係坐緊拘留所.你應該去警局自首投案. 控方見到你自首, 未必會條告你一條無依時歸押罪. 當然, 你一自首就會拋入拘留所, 但唔代表一定會拘留到上庭 (審洗黑錢). 你可以提堂時向法官用 “當時年紀少, 唔知點做, 又無人教導, 驚惶失措之下先至走咗去” 嚟解釋你走佬一事. 並且同法官講你而家自首, 代表你會面對洗黑錢控罪, 唔會再走咗去. 你打算對洗黑錢呢條控罪抗辨 / 認罪, 但係你所犯嘅事就算真係入罪都好大機會判非禁閉式刑罰, 所以而家唔俾你保釋, 係對你不公平 - 變相未審已經要你坐監. 咁樣解釋及求情, 法官好大機會只會充公保釋金, 唔會唔俾擔保. 就算控方真係告你一條無依時歸押, 上到庭你只要認罪 (因為根本無得打), 用 “諗清楚應該面對控罪,而且對一走了之已經好後悔, 所以主動自首“、 “呢幾年嘅經歷 -舉目無親、東躲西藏、生活在壓力及惶恐中…諸如此類, 對一個少年人係巳經係好大懲罰” 呢啲理由做求情, 好大機會無依時歸押一條只會罰錢. 另外想提提你, 無依時歸押 (走佬)唔代表你變相招認蓄意洗黑錢, 兩件事嚟嘅. 差人會以此氹你認洗黑錢 ( “你走得, 即係身有屎啦! 認咗佢啦…” 諸如此類). 你要諗清楚認唔認洗黑錢.

審_案_偌
S_ A _ R
判_?_罪
------按-----本裁定 ?
--+--求請法院輕判 ?
2 3
而所犯因17歲時 "幼稚"