十萬火急!救命~未安裝音訊輸出裝置

情況:
我用既喇叭係內建落個螢幕到
我之前用左好耐都冇咁既問題，係用左幾日耳機之後就咁樣
我開機之後，螢幕個喇叭係冇聲。
螢幕右下角喇叭個位出現[未安裝音訊輸出裝置]。
但係我插左耳機條線之後
就冇出現[未安裝音訊輸出裝置]
我播電腦入面D歌同網上動漫d影片個陣。
螢幕個喇叭同耳機都同時出聲。
好笑既係我禁左[靜音]之後螢幕個喇叭同耳機都仲係有聲
即係[靜音]左等於冇靜音
但係跟住我拔左耳機條線之後，又變番[未安裝音訊輸出裝置]
螢幕個喇叭冇聲。咁我跟住再插番耳機條線。
我播網上動漫d影片個陣，螢幕個喇叭同耳機就變左冇聲。
唔單止咁樣，網上動漫D影片唔知點解播左幾秒之後就自己停左
但係我之後再播電腦d歌個陣冇無問題，螢幕個喇叭有聲好正常。
就係網上動漫d影片播唔到。
之後呢
我重新開機再插耳機條線之後就可以播到網上動漫d影片
螢幕個喇叭同耳機都同時出聲
但係拔左再插番耳機條線就播唔到網上d影片
每一次重新開機都係咁樣
最初，我見咁既情況又唔識整就唔理佢。
正正常常咁用到就算，即係每次開機都插耳機條線
但就唔用耳機聽，聽螢幕個喇叭。
上面都講左開機後插左耳機條線只要唔拔出黎就無事。
但係我耳機條線成日都鬆。睇睇下動漫佢就鬆左半秒。
一鬆就又唔出聲。就算右下角喇叭個位唔係出現[未安裝音訊輸出裝置]
都係播唔到。搞到睇唔到，又要重新開機。好煩。
之後我上網搵到下面呢個網址入面既解決方法
http://support.microsoft.com/kb/948481/zh-tw#LetMeFixItMyselfAlways
但係試過哂都D解決方法都解決唔到問題
可能係我睇唔明佢講乜，冇跟足到佢既步驟去做。
不過我試過好多次上面個D解決方法都係唔得。
呢家我可以暫時解決到問題既方法就係
一開機就插耳機條線。之後繼續如常咁聽歌睇動漫
等佢條線一鬆就重新開機。跟住再插耳機條線又繼續聽歌睇動漫
不過成日都重新開機真係好煩
自己又唔識整
所以就唯有上黎呢到問下有冇高人指點徹底解決呢個問題。
拜託!
我部係Vista機