這男人是否真的有問題

不知道他除了有你 FB 的資料, 還有什麼你的個人資料? 如果他知道你的
電話號碼, 我勸你立刻換掉! 如果不幸地, 他知道你的地址, 那你出入時
最好找人相伴, 因為我不知道他會作出什麼樣的纏繞行為!

請你不要怪我坦白, 你選擇跟他見面吃飯是一個超錯的決定! 對你來說,
可能只是打算識多一個普通朋友, 和不想傷害他罷了! 但對這種性格的人
來說, 你肯出現, 和你對他說 "我願意" 沒有分別! 就算你說不想和他再
見面, 他只會認為你是欲拒還迎, 吊高來賣! 他一定會繼續死纏難打下去!

你自以為他只看過你的相, 未必真心喜歡你, 只是想跟你上床罷了! 可能
他真的只想和你上床, 但他一日得不到, 你以為他肯罷休? 同時你亦不可
抹殺他真的喜歡你這個可能性, 相信你應該聽過 "一見鍾情" 這句話吧!
你不見他反而他有機會死心, 但現在你自投羅網, 試問他又怎會心息!

更甚的是, 你竟然在不喜歡他的情況下, 還要問他 "如果我有愛滋是否都
一定會娶我", "如果我同另一個人上床了你會點" 這些問題! 你知不知道
當一個男人聽到一個女人問他這些問題時, 他會怎麼想? 身為一個男人,
我可以告訴你, 男人一定會認為那個女人想和自己一起, 有絕對的機會!

你就當這件事是令你上了人生的一課, 這些教訓就當如學費吧! 希望你
以後明白, 如果對一個男人完全沒有意思, 就不要跟他說一些挑逗性的
說話, 更不要給他相見的機會, 免得令他誤會以為自己成功了一半!

最後我給你的建議就是 "避"! 避免接聽他的電話 (如果他有你電話),
和避免在網上和他交談的機會! 至於他會否繼續死纏難打, 就要看他
喜歡你的程度如何, 和他會否已找到另一個目標! 祝你好運!

希望幫到你


2012-05-14 23:10:31 補充：
佢冇你屋企地址就最好啦, 起碼唔駛驚佢會喺門口等你返工放工咁癲!

既然佢都已經刪咗你嘅FB, 又再冇傳信息俾你, 咁暫時嚟講都應該算係告一段落喇,
除非佢係呃你, 諗住用以退為進嗰招啦! 不過你講到咁絕, 有啲尊嚴嘅都唔會再搵你!

今次做錯少少唔緊要嘅, 經一事長一智, 起碼可以學精咗, 唔會再有下一次! 老實講,
就算面對面識嘅朋友, 你都未必知佢個心諗緊乜啦, 更何況係網友! 下次小心啲囉!

男人係好敏感嘅, 你冇心講嘅一句嘢, 佢聽咗可能以為你對佢有意思! 所以如果下次
你唔係鍾意嗰個男人, 就最好唔好再講 "如果乜, 如果物" 呢類嘢啦, 費事收唔到科!

2012-05-16 07:27:04 補充：
佢咁樣吋你, 你鬧番佢係好正常嘅事, 唔駛覺得唔好意思喎!

當然, 我估佢之所以吋你, 係因為希望愈大, 失望愈大! 好似之前咁講, 你肯出嚟同佢
食飯, 佢以為你會鍾意佢, 所以滿懷希望! 點知你出到嚟竟然同佢講話冇可能發展,
身為男人, 我都估到佢有幾失望! 佢個心可能諗, 唔係鍾意我就唔好應承出嚟啦!
無論佢真係想同你結婚, 定只係想拍吓散拖, 佢接受唔到呢個打擊係好正常嘅事!

2012-05-16 07:27:17 補充：
唔知你知唔知, 喺絕大部份嘅男人心目中, 面子係其中一樣最重要嘅嘢嚟! 可能當時
俾你拒絕佢覺得好冇面, 個心又好嬲, 所以就當場吋你! 話到你冇咁好, 其實係同佢
自己講冇咗你都唔可惜, 係搵一個落台位俾自己! 到佢火氣過咗, 就會知道自己講到過
咗火位, 所以最後都向你道歉! 至於接唔接受呢種咁冇品嘅人做朋友, 你自己決定啦!

2012-05-16 22:52:58 補充：
唔好再放喺心度喇, 件事都已經過咗去, 最緊要冇事咪好囉! 千祈唔好因為呢件事
影響你, 只要有心, 始終有機會遇到一個佢鍾意你, 你又對佢有好感嘅男人!

Hi，你好。
關於你的..問題，
可以在這個免費算命網站[紫微、易經、姓名、八字]得到解答。很準!!
網址 : http:// www.life - guide.com.tw/profile_6.php
只要你將問題詳細告訴老師，
他就可以免費為你算命和解惑，給你指引方向。
包含:
1. 免費紫微斗數命格完整分析。
從紫微可以了解自己的感情、姻緣、桃花運、十年事業和工作運
求財命格、金錢能量、不動產運勢、生子…。
2. 免費易經占卜。
3. 免費姓名吉凶好壞鑑定、取名和改名。透過易經、八字、姓名、紫微去解答你的問題，對你的問題有幫助。
超過3000人次上網免費算命，很準，分享給你。