講大話女朋友同左我分手..我想挽留我同佢關係..請幫忙

話說係咁既,我應成左我女朋友介煙,但我高估左我自己以為一個月就介到,點知唔得一直係咁拖,一日食1,2支,之前都試過咁樣呃佢,又或者佢唔小心睇左我D信息,我同一個好FD既女仔朋友講笑,話佢睇我信息,因為我之前D女朋友都成日咁做,佢發現左就覺得我呃佢同唔係愛佢,對我冇哂信心,4月24日女朋友唔舒服我送左佢返屋企,之後我去搵果個好FD既女仔仲有一個朋友,我同佢地一齊果陣食左2支煙,之後個女仔因為比屋企人話所以放左係我到第日比返佢,到左4月25日我朝早同女朋友睇完戲,佢同我講話今晚唔想去我屋企食飯,想返屋企溫書,因為我早一個星期以經問定佢黎唔黎食,佢咁講我有小小唔開心,之後到最後都去左,等車返家果陣我食左2啖煙就掉左上車,落車同左佢講果包最後一支黎既食埋佢,到左夜晚走果陣,我有D煙盒放左係床尾,佢問我做咩毛啦啦拎果包煙,我話我發覺仲有一支係到食埋佢,跟住佢話係我唔知果陣搵過哂冇一支煙係到,就指住我褲袋問咁果包咩黎,我話係果個女仔,佢就同我講我不嬲最憎人呃佢,你自己講比我聽總好過佢問,之後佢係都要走,我想同佢講果陣因為我見佢情緒咁差我就肯比佢自己返屋企,我擔心佢所以打左比佢2次,佢返左屋企SD信息同左我講之後就熄左電話,我搵極都搵佢唔到被迫打去佢屋企,之後我地兩個就嘈得好勁,連佢屋企人都知我同佢一齊件事,之後再夜D佢提出分手,我又嬲又唔開心講左好多野,仲用左句:[你話決定左分手就分手,咁我係唔係決定左跳樓就跳樓]講既野一直都好負面,到左第日我係佢屋企樓下等佢,朝早9點等到夜晚8點,果段時間我不斷SD信息同打比佢,因為我知道我自己由頭到尾都做錯左,我FD出到黎話要上佢屋企搵企,點知最後我冇阻到佢就上左,佢出完街10點鐘到佢覆我信息話唔想見我,我同佢冇野再講,但我係要等想同佢道歉,到最後佢出現左,我就同佢傾,佢D態度係好串,第二次係咁樣,佢話我每次都會同佢講知錯,傷完佢一次又一次,佢唔會再比機會我,跟住係都要走,最後我都忍唔到自己D火發左皮氣,仲SD左句信息比佢,話原來我做咁多都比唔上佢之前既男朋友,我會死心,原本想好好地同你傾到最後都發左皮會,對唔住......過左一陣佢同我講對唔住,我係一個好差既女仔,唔值得你為我咁做,對唔住,之後我冇理佢驚又再嘈,到左4月29日,我SD左句HI問佢係唔係仲嬲我,同4月30日我大約話如果我當初唔係做得唔好就唔會搞成今時今日咁,,但最後佢冇理我,有冇人可以教我仲可以點做T_T