女朋友話唔識拍拖,好煩,唔想公開,幫幫我

我今年中五,係1個月前用sms同個女仔表白左之後,佢答應左我,之後我地第二日就出街,睇戲,之後個月都有出下去,行下,去下信和。

我地係同班同學,個女仔唔係好靚個d,我地都係鍾意睇海賊王,同動漫的人,但係我覺得佢係最好的女仔,我地有kiss過,親密少少的身體接觸都有,第一次出街個陣都係佢主動拖我的手,我個陣覺得好開心。

之後我話其實個日表白,我係有玩的成份,之後佢話佢都係,然後問我有冇後悔到,我話冇,再問你呢,佢都話冇。

我地都係第一次拍拖,大家都唔係好識咩叫做鍾意大家,點樣先算係拍拖,但係我知道我自己係好鍾意佢,好唔想結束。

但是,係有一次我地出街個陣比d同學見到,我知道佢唔想公開,唔想比其他人知道我地的關係,所以我立即放開隻手,之後走了,然後,佢主動打番比我,話驚比佢地見到。

之後個日係班到d人就問黎問去,問我地係咪有關係,係咪拍緊拖,我地話唔係唔係,但係佢地又點會信,,,,,,所以女朋友覺得好煩。
其實係個日,我自己已經忍唔住d最熟的fd認左我地係拍緊。

之後個幾晚我都打比佢,用msn,sms,電話討論我地係咪公開左去最好,我話如果我地唔公開,我地的感情好難維持落去,我地就算幾鍾意大家,我地的感情都會有機會變的,之後我都自己認左我有同d fd講左我地係拍拖,之後佢都好唔開心,我問佢係咪鍾意我,佢話我係鍾意你,但係唔想公開,好煩,之後佢再講話早知當初唔玩啦,應該要諗清楚會比同學發現。

我當時個心好痛,但係我都只好同佢講其實d同學唔會點講架,佢地會接受到架,唔會笑你,話你架,但係佢都話唔想公開,之後,佢就話不如我地做番朋友呀,我當時立即答佢好呀,然後佢話"點解你答得咁快既,我沖涼先啦"之後30秒後我頂唔住就打番電話比佢同佢講我真係好鍾你.我唔可以無左你,真係好鍾意你,想同你一生一世唔想你離開我。

之後佢就講自己其實個性格好差的,我唔想出去,想留係屋企,唔識打扮,鍾意穿你唔鍾意的牛仔褲,你叫我打扮好d我都做唔到,係個好衰的女仔,我咁樣你都仲接受到咩,之後我就立即答佢無所謂.我地唔出街,仲有online game,sms,msn,qq.,之後佢話"我咁樣係咪好衰呀,你唔會好辛苦咩"我都答唔會,我其實由識你開始,就知道你係咁的女仔,你就算點都好,我都會想同你一生一世。

之後第二晚,落雨,我本身約左佢夜晚出黎行下,散步,但係佢話唔想出黎,因為落雨,但係我當時好想見到佢,所以我就出左去,直接去佢樓下.但d雨落得越來越大,我又無帶傘之後就比d雨淋到濕哂咁去到佢樓下,等佢,之後等左一陣佢就落左黎啦,仲帶埋把我上次出街忘記了帶番走的姐比我,然後我比左封道歉信比佢,同寫我的心意上去,之後佢隻眼紅紅地,無望我,講左話我原諒你,之後就kiss左下,就叫我番去沖涼。

番到去之後,我同佢傾左陣電話.佢話佢唔知仲鍾唔鍾意我,拍拖真係好煩呀,早知唔拍啦,我咁的性格點解你仲接受到我,仲話你講的無錯,我地如果一個星期都見唔到,感情真係好易變的。之後我就講我好鍾意你,我會等你,我永遠都唔會變。

之後個幾日都有msn.qq,打傾電話咁樣,但我真係好想令佢清楚地鍾意我,唔好有灰色地帶。

我地最大的問題其實就係佢唔鍾意出街,離開屋企,如果唔係有佢好想睇既野,佢都唔會出去,我個幾次都係好難先約到佢出去,因為佢有時要陪屋企人。

點樣可以解決佢唔想公開的問題,我點先可以令佢仲鍾意我呀。

咁多位睇到最後的朋友可唔可以幫幫我.我唔想無左佢,我想同佢一生 一世,我希望我第一個女朋友,就係最後一個,幫幫我啦。