如何修補同摰友既關係?

我覺得呢
佢成日避你
你連同佢講嘢的機會都無，
咁你咪試下用D間接唔洗面
對面同佢講的方法道歉囉，
例如我的建議為寫信比佢
講出你的心底話比佢知道，
話佢聽你地已經冷戰左差唔多半年
你已經為左依段關係而煩惱，
內疚左好耐，好想挽回返從前的友誼，
佢比個機會你都唔識爭氣同珍惜，
一而再咁逼佢，但經過幾個月的洗禮...
你已經反思到其實自己真係非常之錯，
好後悔好掛住佢，好想真誠咁同佢道歉，
好想可以同佢和好如初，希望佢會原諒你，
唔好再成日都避你同唔耐煩，
最重要係求佢比多一次亦都係最後一次機會你，
如果你再咁樣對佢佢同你絕交都心甘情願，
但係唔好似就咁普普通通咁寫，
最好寫得長D將你心裡面的情感抒發哂出嚟
(當寫抒情文咁)，比佢睇到你係好有誠意寫
呢封信比佢好真誠咁向佢道歉，
同埋你一路寫一路諗返你之前同佢之間相處時
一切發生過的事，咁會寫得感性D容易打動到佢，
但仲未夠，你寫完之後重複睇幾次，
唔係就咁睇咁簡單，你要當自己無寫過呢封信
呢封信係別人寫既，好似分裂咁當自己係
另一個人第三者睇呢封信，
如果你自己都被感動到就可以間接比封信佢，
咁做係因為呢個方法最有效就係第一次，
如果第一次打動唔到佢之後就幾難再可以用
呢個方法打動到佢，
所以你要確保第一次應該會達至成功，
如果你覺得 / 估計佢第一眼一見到封信裡面
係你個名就唔理睇都唔睇扔埋一邊甚至撕難佢，
(其實我都覺得佢咁做的機會都唔少唔係想嚇你)
你可以試下轉個方式用電郵寄比佢，
如果佢連電郵都係咁甚至刪除咗唔理，
我都仲有一個方法比你參考既，
你同佢講唔到嘢姐無話唔可以靠人地把口架嘛，
你可以找你其他熟的朋友幫你手同佢講：
「不如你同返阿___(你個名)___做返朋友啦，
佢知錯架啦我見佢成日都好內疚好唔開心，
就算你理得佢死你當幫我地囉，我地成班朋友
見到你地搞成咁樣係度做中間人都好辛苦架，
我已經話咗 / 過佢架啦，佢正一衰仔 / 女嚟架，
不過佢有後悔的心我先想讓你地和好」
希望你唔好介意咁講，亦都建議你最好教幫你
同佢講的朋友要講「我已經話咗 / 過佢架啦，
佢正一衰仔 / 女嚟架」因為咁樣先可有更大機會
令佢原諒你，換句話嚟講，叫果個幫你同佢講
的朋友唔好講D咁直接讚你的嘢幫你講好說話
俐如「佢(即係你)其實已經好好架啦」咁樣反而
有反效果佢會覺得所有朋友都幫住你，
但以上講果D「佢知錯架啦我見佢成日都好內疚好唔開心」
我覺得應該過到關，同埋可以重新嚟過建立返你地果段友情。
以上只純屬我個人的愚見希望可以對你有幫助同埋你地可以
當無嘢發生過回復從前般親密成為好朋友啦！！！！！！！！

2012-04-29 00:28:46 補充：
唔洗客氣！
其實我覺得send一封E-mail或者係Facebook留個訊息比佢唔可以話係一樣效果只可以話係差唔多，但係我認為寫信會好D，因為自己寫比打出嚟更加有誠意，同埋係你寫的文字裡面別人會容易D睇得出你當時的心情，你諗下電腦打出嚟的字係就係整齊D但你唔覺得死板D(個個字都係咁樣正正方方)無感情架嘛？電腦D字密密麻麻你仲要打一大篇人家睇刑一半都訓著咗啦係咪先(除非你較大隻D同字距開D)，而你寫D字就唔似以上所講的電腦字咁樣(當然要寫靚D啦)，不過如果你想用E-mail或者Facebook都得個人認為無咁好有得揀最好就寫信咁姐。

2012-04-29 00:29:02 補充：
另外你咁情況我覺得應該唔算有反效果，因為你之前只係好簡單咁講左句對唔住希望佢原諒你無好長盡去表達歉意咁次寫返多D或許有機會同希望，但每個人的諗法唔同有D人會覺得你上次好hea今次有誠意有謙意起碼值得原諒你先有D人會覺得你好煩「穌」(←唔識打)擾佢更加唔想show你，所以我都好難答你要睇下佢點諗唔好意思請見諒喔！

2012-04-29 00:29:13 補充：
最後你唔好理身邊的人點諗叫你點點點(你可以聽同參考)，其實我都同你有過差唔多的經歷(不過我無做錯嘢只係升咗唔同班之後佢識咗新朋友勁friend我地的感情淡咗好多)所以我都明你會太重視佢正常不過，一齊經歷過既好難輕易放低都唔出奇，我都希望你真係可以穫得一個機會同埋我個人的愚見希望可以對你有幫助啦！

找上門約他吃飯 , 扮作很久沒見面 ,

若仍然是無反應 , 可以切底忘記他 ,

感情是不能勉强 , 你要學習去放手 。


圖片參考：http://static.nownews.com/newspic/1837/i1837286.jpg