想去陽光與海灘渡蜜月, 請問大家有無好介紹?

本人與老公剛結婚, 正計劃去渡蜜月, 我地一早已瑣定目標, 就係想去陽光與海灘, 好好享受屬於我地既蜜月假期, 話哂都係一生人一次, 緊係想去一個特別d, 又浪漫d, 價錢又唔好話太貴既地方, 我都知我比較貪心, 但希望大家能盡量解答我既煩惱或俾d意見, 感謝!
我地相量過, 由於我地英文程度是屬有限, 故會選擇跟團較為穩陣, 時間就會係6月中出發, 行程將會係 5-6天左右, 而 budget 就係預 $8000/1人 以下(不包括旅費), 大家有無一d好去處可以介紹一下! 其實本人因應自己既budget同要求, 已經去左好多不同大小既旅得社睇過, 分別有幾個地方都可以考慮.: 1, 沖繩, 2. 沙巴, 3.浮羅交怡, 4.吉隆坡既雪邦黃金海岸, 5.蘇梅島等等, 但老公比較鍾情沙巴, 而我就對沙巴感覺一般, 大家會唔會有其他提意呢? 又或者可介紹一下以上幾個地方, 分享一d心得俾我倆公婆, 而我地唔係去過好多地方, 只去過泰國同台灣, 所以對不同地方都感興趣...
1. 沖繩 ~ 我係女仔, 緊係覺得沖繩話哂都日本, 好似底玩d咁, 但我自己去過幾間旅行社睇過, 都話6月份沖繩仲未可以下水住(可能係天氣問題), 大多是觀光&shipping, 唯獨有一間可以下水, 有一日自由活動時間, 即沒有太多可以比較!2. 沙巴 ~ 老公好鍾意沙巴, 又每一間旅行社都有多於一個沙巴團, 由超5星香格里拉酒店至普通5星酒店均有, 大把可選擇, 又容易成團, 機程又唔會太耐, 只係本人覺得沙巴太普遍, 渡蜜月當然想去一個較特別及有更好既就最好啦!另外, 沙巴好多活動都係要自費, 全部旅行團已寫出各樣活動價 $, 全部1人都需要 $500或以上, 即玩一個活動都要成 $1000港紙, 你都咪話唔貴, 但去得都預左要玩下......
3.浮羅交怡 ~ 都屬於一個好, 可惜既就係沒有直航機, 須轉內陸機先可到達,.吉隆坡既雪邦黃金海岸 ~ 對於本人來說, 此乃一個新穎既地方, 是位於馬六甲附近, 又可住水上獨立屋, 高處望下去,酒店是椰樹形狀, 對於我黎講係好特別, 但可惜老公不太欣賞, 亦只有一間旅行社有做這個團, 同埋又要轉乘船, 需時較長, 老公又話水上屋可能會唔太"企"理(係5星架!), 而這個地方又無咩人識, 應該無咩人去, 未必成團 老公話會危險! 仲要由於要轉機關係, 頭&尾兩天都要係吉隆坡渡過, 所以大多唔會選擇了!
4.吉隆坡既雪邦黃金海岸 ~ 對於本人來說, 此乃一個新穎既地方, 是位於馬六甲附近, 又可住水上獨立屋, 高處望下去,酒店是椰樹形狀, 對於我黎講係好特別, 但可惜老公不太欣賞, 亦只有一間旅行社有做這個團, 同埋又要轉乘船, 需時較長, 老公又話水上屋可能會唔太"企"理(係5星架!), 而這個地方又無咩人識, 應該無咩人去, 未必成團
5. 蘇梅島 ~ 感覺與沙巴差不多, 但有朋友去過, 話蘇梅島不用跟團, 以及沒有太多洗費, 都係一個好去處 .....
唔好意思各位, 我實在長遍大論左, 但無辦法, 本人其實係一個緊張大師, 樣樣事情都會睇完又睇, 會做好事前準備的, 但往往搵得太多後又好難決定, 其實以老公照老公意思, 就係揀沙巴就ok了, 但想聽聽不同人既意見, 因我怕會後悔, 多謝大家保貴既意見 !
最後一問, 如本人真係選擇沙巴的話, 我已經睇過兩個團較為合適, 一個是永x旅遊, 計哂所有雜項約 $8000左左, 只須2餐自費, 4天都是住超5星香格里拉酒店, 一天自由活動時間, 另一個係東x遊, 計哂所有雜項約 $6000左右, 住5星酒店, 分別住兩間, 須4餐自費, 2天自由活動時間, 兩個團都係搭馬航同一班機, 起飛&落機時間一樣, 活動項目同食物都幾乎差不多, 仲睇到有沙巴疇更平, 為何價 $ 可相差那麼遠, 大家會選擇邊一個團, 又話或布無人住過沙巴香格里拉酒店, 是否物有所值, 請大家又比下意見, 多謝你們!