✔ 最佳答案
『通常是先更換底板電池‧‧‧』
電池只在關機後的鐘提供電源。大部份情況係冇電只會令開機時鐘不對。另一個情況係bios資料丟失，但開機後bios會顯示checksum error叫你按F1 繼續或F2進入setup，唔會開機就熄。
『系統的 Boot Manager 啟動機程式損壞』
也是微乎其微。3秒根本連bios個post都未做完，況且boot block本身有checksum，如果讀入時錯誤，bios會顯示 no bootable device，可能再試boot 光碟、boot lan等，唔會熄機。
根據小弟經驗，該是硬件老化，和軟件無關。老化可能性有：
(1)底板的電容老化。這個比較易看，打開機箱，望下圓桶型的電容，如果脹起，99%係佢。看圖
http://www.facilitateit.com.au/images/Bulging_capacitors.jpg
正常電容頂部平坦，如果如圖咁凸起，已夠鐘，(左下角那粒較正常)。因為容量少了，啟動時瞬間電流太大，火牛超荷而關機。(保謢電路)，有時開幾次就得，因為部份電容仍有電，啟動時瞬間電流仍未達程度觸發保護電路cut電，所以開機後仍可正常工作，但這個問題會越來越嚴重。最後無法開機。
打開機箱，最少會見到十多廿粒，如果有三幾粒有凸起績像，也足夠證明係呢個case。
(2)火牛內部零件老化，開足馬力都唔夠，超荷cut電，火牛內亦有大量電容。也有老化可能。
後話；由於e-cap會乾水，而有某些年份生產的e-cap都瓜得好快，近年生產高價底板都標示使用固態電容。
如果發現係case1，電容本身唔貴。換曬都係十蚊八蚊，但係要有電子底+豐富動手經驗，唔係咁易，更換底板可能最快，但係要裝過曬所有野先甘。
