4月1號，屋企響天光墟買左兩隻草龜，伸直四隻手腳都有手板咁大隻。
買番尼頭幾日，唔肯食野，仲成日想爬出尼。上網搵過，呢D貌似係對新環境唔熟既現象，就冇理到，想話佢餓就遲早會開口。
但十日後有一隻升左天，好心痛，尤其係我負責照顧佢，明明前一日佢仲曉爬曉走…
依家淨低既一隻，冇咩精神，一日訓到黑，手腳無力，係響太陽下便/有光時先會打開眼伸個頭出尼周圍望下。
擺入水會合埋眼浮，一段時間冇氣（個口走泡泡出尼）先會伸龜頭手手腳腳出尼游水，唔會沉底。
水入便佢起碼會轉下圈，自己郁動，但響地面既活動量就更低。
另外龜龜個口經常開合。唔止水入便呼吸時會咁，響地面亦會咁樣。頻率大概１０～２０秒就會打開口，然後好他調咁合番埋。佢合埋眼時冇呢種情形。
龜糧生菜四季豆魚肉墨魚豬肉都畀過佢，龜龜甚至對呢D零興趣，莫講話吞落口。
我想請問
１：可以用咩野提起佢食慾引佢開口？
２：街市/普通水族店有賣，戈種餵大魚既銀色魚仔，適合佢食嘛？
３：養佢既缸冇暖管＆燈等等，想粗養。呢D設備係咪必須呢？
４：皮膚有白化，但摸白色地方唔會縮。係所謂白點病？除左用藥(龜精靈?)，我另外可以做咩幫佢減輕症狀＆令佢回復精神？
５：摸佢手腳時，除非增加力度，否則佢唔會縮埋；係純粹因為佢已經慣左同人接觸，定健康有問題鈍左呢？
６：如果要買藥物/龜糧，金魚街可以嘛？
７：龜容易受氣溫影響，早幾日天氣時凍時熱，會係令佢冇精神既原因之一嘛？
８：響大約咩溫度以下，龜既活動程度會受到影響變得唔活躍呢？
好多問題…我真係好擔心佢。望住佢好冇精神咁，覺得好唔安樂。另一隻龜龜走戈日，我諗住剩落尼既呢隻我一定要好好照顧佢。希望佢可以長命百歲！
感謝解答。
更新1:
另外我響網上見到，如果龜龜長期唔進食，可以強迫餵食令佢開番口。 請問 ９：幾時有咁做既必要性呢？龜龜會受傷嘛？ １０：具體做法點樣？襯佢打開口時隊入喉嚨DING？ THX！
