我18歲男仔,覺得生活好空虛

cheer up
其實你想有夢想既話
就應該唸下,其實你有咩興趣呢
可能你既才能唔係係讀書呢方面
或者係藝術,音樂,體育?
你對於咩有興趣呢
如果你都唔知既話
其實你可以試下接觸多啲唔同類型既野
最簡單既方法就係去圖書館
可能你會覺得去圖書館好悶好無用
但係當你對住咁多既書個陣
你最有興趣係咩書呢
中意個樣就係咁睇
唔知點既話就一本本咁睇下
直到你搵到你有興趣既個樣
咁就係咁睇
發展對個方面既興趣
同埋係個方面為自己立下目標
比如話,你中意睇漫畫
你就可以係咁睇(唔好理人地點睇,最緊要係跟番你既興趣)
然後就可以係屋企自己畫下咁樣
總好過無所事事係屋企hea

我知道,你係咁樣既家庭環境長大
一定好大壓力同埋好唔開心
如果係咁既話
不如你去多啲其他既地方
可能你會覺得,去社區中心呢啲咁既地方好悶好out
但係我相信,當你見到你令其他人開心,令其他人笑既時候
你會好有成功感

如果你冇接觸過音樂既話
不妨買下啲平平地既樂器自己玩下學下啦
例如,口琴,笛子呢啲
我唸20蚊應該有交易
然後你就可以得閒悶就吹下
當你第一次吹到一首完整既歌
你應該會好有滿足感

或者而家你可能唔洗為自己既生活而擔憂
[sor我唔係好了解你既生活背景,如果唔岩聽勿怪(: ]
但係終有一日你既父母都會離開你
你到時一定要自己搵錢照顧自己

同埋讀書方面
其實我覺得你學歷高啲既話你第日條路一定會好過好多
你可能而家對你既成績好冇信心(其實係咪DSE?)
可能你呢次會考得唔係太好
但係既然你而家覺得無野做
咁不如考多一次仲好啦?:?
日子..你仲有好多路要行
如果拎張考得好啲既成績單
你第日既路一定可以行得無咁辛苦
你考得唔好
其實有冇唸過係讀書方法有問題?
定係唔夠勤力?
定係其他原因?
嗯..如果我講得過份左希望你見諒
但係我真係覺得如果你真係得閒無目標
咁就考多一次啦

你18歲,,仲有大把日子
千奇唔好放棄自己
你一定有自己既才能同興趣
只係你而家仲未搵到姐
加油呀!唔好放棄!
你一定要堅持咁行落去!

樓主似乎成個生活都充滿左負面既東西喎…
好似每日都行屍走肉唔知自己為左咩而生存…
的確有唔少人講『青年人有目標』
不過未搵到又或者冇都好正常
畢竟年青人既生活有太多衝擊同變數…
不過既然你自己都唔想係依種『空虛』既狀態太耐
不如你ADD我，大家一齊傾下，
睇下可唔可以一齊搵下有無咩目標係你之前未留意既, 好嗎?

FB: [email protected]
MSN:[email protected]

可能在你面對人生一大關口的同時，又面對父母的問題，所以才令你咁down
父母自己都沒有解決到問題，所以都無閒理你
其實如果你真的讀不上，何不乾脆讀IVE或職業訓練學校
想想自己有沒有什麼特別興趣，或看現時的就業前景，找一科適合的學科唸
學些實際的東西，出來找工作也容易些，如廚師、酒店業、工程技師等，
如無頭緒，就先取些章程來看，再想想自己適合做什麼，或什麼行業有發展空間
其實好多人都讀書唔好，還不是這樣過活，
況且讀書唔好，又不代表一定沒有出路，社會上有很多不同的崗位和行業需要不同的人
做人不外乎求開心，識到三五知已，得閒出來傾計和玩亦一樂也
再下去識到另一半，結婚生仔，到時你就沒空胡思亂想了
至於你父母，事情發展成點還是取決於他們二人，你不要太擔心，事情要來也不能擋住，順其自然吧
其實幾乎每個年輕人都經歷過迷惘的階段，比多少時間自己，好好想一想下一步是什麼吧，還不是遲

18歲就感生活空虛,其實只是一時之間想少咗一些事情,1.就學業說一次的失敗並不就代表永遠的死硬,讀得到,考得好,當然是人人的理想,但這亦不就代表能擁有一切的,學問的充實擁有除咗對自己個人生活未來有所得益,有所改善之外,其實還有更重要的實質價值觀是對社會,對人類有所貢獻與幫助,2.父母成日嘈,看似家無寧日,但作為一個已經18歲的青年人有否把想空虛的,無自信的思想轉化為調解父母之間的不和,讓過往和睦的家,重回大家開心的日子,3.空虛,無目標,無理想,18 歲了,如果真的有空我好希望你多一點時間去醫院或一些特殊的療養院看看,我必深信你對自己有另一番的思想,要緊記,今天周邊還有很多的人需要別人的關懷與幫助,呆,空虛,不是在乎有沒有學問與知識,乃在乎他所存在的價值,比喻說:正如本人一樣,既不是有學問之人,但我卻希望能籍靠主耶穌基督的愛心,聖經真理,去幫助一些需要開解與幫助的人,因此我願你個人得到新領會,更盼望你的父母和睦,一家人開開心心在一起,我再一次向你說,不要灰心,多些勸解一定有幫助的,切勿放棄,最後也希望你可以到基督教的教會看看也許會對你人生有新的改變..

遇到咩事情都不應該氣餒, 積極面對, 人生不如事十常八九, 每個人都會有唔開心嘅事, 需要時應該揾朋友傾訴一下, 人都會舒服D, 如果唔講出嚟, 好易會有抑鬱, 長期的話會變成患有抑鬱症的! 你除咗要揾朋友傾訴之外, 應多與朋友出外找些節目/活動, 又或者找些自己感興趣的科目進修增值, 學吓嘢咁, 學到嘢之餘又可以打發時間都不錯架! 開心D啦! 諗嘢不要負面, 要正面D, 食吓朱古力啦, 人都開心D!^^

嘗試接觸身邊不同事物,約下朋友.....咁樣至少冇咁空虛
嘗試番下教會...



神一定會為你安排....