保險新人,代客簽名一問

綜合你的所有內容，有以下幾點可作為日後注意事項：1. 所有文件是要由保單持有人和受保人簽署，中介人絕對不能代簽名；而在中介人知情下由親屬代行也不可以，因為偽造文件屬刑事罪，除中介人會被停牌外，更會被檢控。

2. 假如你將文件寄往香港以外地區，未有見證簽署進行，見證人一欄應由保單持有人一方搵人簽署或留空，這可避免當事人日後反悔以未有簽署文件為理由要求退保（因你已簽名見證）。

3. 絕對沒有任何客戶同意書之類文件可作為他確認你的代簽行為，上司只是隨便搵藉口速成交易，試想像日後有問題時你拿出同意書為證，即自動投案，證明你在客戶同意下冒簽，客戶無罪但你的牌照不保。

保聯和政府經過多年努力，以立法和監督保險及財務策劃行內的操守與運作，是要提升保險公司和中介人的專業地位，令公眾對這行業有信心，假如你表哥將情形講給他人知中介人可以方便為藉口為你冒簽，其他人會對你有信心嗎？會經你表哥搵你投保嗎？假如日後對你上司的指示有疑問，可直接向公司中介人服務部查詢，以免牌照不保。

叫你老表寫封授權信同意你簽囉, 記得授權信的日子要做back date. 只是, 有信唔代表一定無事, 只是俾人告果時有d證據可以駁一駁.

下次唔好啦, 寧願自己貼錢「飛的」都要親手交份單上門俾個客簽, 因為無人可以保證個客唔會反口的, 就算親戚都一樣.

下次你咪制喇,監都有得你坐.

一份文件,客人睇完簽,同你UP完代佢簽,係好大分別.佢同意你代簽,並唔等如佢認同文件上所有既條款,一反口你就輸哂.

再者,你始終係犯上刑事,博黎做咩?單生意做唔成都係咁話啦.

2012-04-21 16:49:01 補充：
果份文件,你代客簽左,係留左底,係一世你都有事,因為你真係曾經代簽,並唔係話事主同意你代簽就冇事,因為刑事係冇得和解.

舉例你偷左屋企人d錢,家人報警,查到原來係你做,你家人係唔可以話唔告消案就算.

或者咁講,你個客咁岩死左,而佢家人同你算帳(我唔知咩情況下會咁,只係假設),你認為又可以冇事?

你要知道,你冒簽係事實,你肯定個客呢世都永遠唔會反口?

你upline好有問題囉
咁的行為根本就係冒簽
唔鼓勵亦唔應該咁做

萬一你親戚, 突然唔想買
話無簽過, 無同意過
你就賴野la

我非常質疑你upline的做法同建議
我自己從來唔會建議同事咁做
係諗出唔出到糧, 冒唔冒簽, 交唔交單之前
你更應該好好諗下, 係咪繼續跟呢個upline做野
佢叫得你做呢D野, 唔知下次又會叫你做D咩

2012-04-22 10:47:55 補充：
跟本唔會有所謂的同意書
簽左返黎, 法律效用成疑
而且, 好講唔好聽, 我唔知你點同你表哥溝通
佢信既, 係你個人, 可唔可以信你一世?
萬一, 真係用到份單
又真係唔好彩咁, claim唔足/甚至claim唔到
佢話無簽過份野, 咁點算先

到時, 有事果個係你, 你upline一句無講過, 就算ga la

我唔知你跟住落黎會點做
我自己的話, 一定係cooling off
再簽返黎, 無糧出都好過犯法la