識朋友方法(15點)

你都識講啦，你只係識左朋友之後先會主動少少，但對住啲陌生人，依然係沉默被動。所以識唔到朋友好正常呀，唔通你指意人地要主動埋黎搭訕咩！每個地方既人都唔同既，好彩咪比你遇到啲nice既人囉，唔好彩咪好似你依家咁囉。

面對你呢種情況，我諗你就唔好做無聊野去識人，例如特登跌野落地問係咪人地，如果人地見到你呢個行為，可能以為你short short地，野都唔想同你講。

其實識朋友一定係簡接架啦，但都好講求技巧。例如上堂咁啦，老師掛住鬧人唔教書，你咪有機會同隔黎位講，「使唔使鬧咁耐呀，唔使上堂啦」，咁人地咪會應你囉。其實講咩都得，只要抓緊時機，唔好怕羞，當係同緊自己朋友講野就得架啦。然之後，慢慢就會熟落。lunch怕自己一個咪問下開始熟落果位，「一唔一齊食飯呀」，咁囉。

仲有唔使話搶邊個朋友既，拍拖咩家下！你見到人地兩個好fd，咁你都可以同佢地兩個fd既姐。

不過勸你一句，唔好為交朋友而交朋友，如果周圍啲人真係同你好唔同，例如唔岩傾，或者佢地做既行為你又唔中意做，係好難夾，幾熟都有限。咁既話就倒不如換個環境識其他人啦。

其實你都話
人地會覺得你好靜
所以你要識朋友一定要係呢方面入手

嗯..首先由同人溝通方面講
你一定要兩隻眼望住人地講野
咁樣人地會覺得你係尊重緊佢
同埋笑多啲,其他人就會覺得你好nice
同任何人講野個陣都要笑
人地同你講野,就算係無聊,你都要笑一笑,
唔好完全唔應人
當然,講野要大膽大聲啲
人地就會覺得你好有自信

同埋,你可能要睇下除左靜
你仲有咩缺點
例如,講野個陣會唔會太直?成日講野都好hurt人
定因為小氣?所以其他人都唔中意你?
嗯..你要睇下自己到底有咩問題
咁樣就可以改下,人地對你昸印象就會好好多

見到陌生人,最簡單既方法就係笑一下
同埋盡量有禮遇啲
講多啲唔該,謝謝咁樣既野
人地就會覺得你好平易近人

如果你發覺呢啲方面都無問題
但係都冇人係你既朋友
咁你就要學識主動啲
我相信,中學既生活一定會有好多好多既班會活動
呢啲活動你就好容易同其他人搵到相同既嗜好同興趣
咁就會容易啲有話題
受埋你可以嘗試同個啲'大圈子'接觸多啲(姐係本身人地已經係幾個人玩得好開心)
咁樣會容易啲識到多啲人
同埋一定要夠主動
例如約佢地放學,約佢地食飯咁樣
就可以有多啲機會接觸同埋了解對方
同埋就唔洗驚孤獨啦:)
同埋記住同人相處個陣,唔好俾人覺得你好self-centred
有時忍一時海闊天空
就係在乎呢啲情況
同人講野個陣
首先你可以從人地既日常生活入手
講下上堂有咩搞笑野
熟左啲之後,你就可冢講一啲小小既秘密/worries
咁樣就可以令到呢段友情發展得好快咖啦
(當然你要有心理準備佢會爆出黎,所以講小小)

同埋,朋友,唔係搶
朋友唔係一定1同1
其實,你同其他有朋友人玩
點解你唔試下同佢地成堆人玩呢
咁樣唔係仲好咩
又可以識多啲fd

我唸如果係咁
就算你平時外表上睇黎靜
只要你做左以上既野
都一定會有好多朋友
同同學既關係一定會好左好多
加油,你一定得!



2012-04-20 19:26:43 補充：
如果你真係搵到一個好好既朋友
對你好好,又好了解你
就唔好介意朋友既多少
人生一知己,死而無憾
你應該覺得開心先係

我同你個案好相似
我同你都一樣吾敢好接觸其他既人
我好明白你既感受
我覺得其實我地可以放開個心
有人同我講只要講野吾好得罪人,其實吾洗怕
之後我就開始講多左野
希望你都可以開放自己學會溝通
仲有呀我覺得參加其他社區中心既活動系可以好快咁識到好朋友既
而且我覺得系出面識既朋友會好學校人戈d好多
吾知點解呢