✔ 最佳答案
可以, 因為點樣計數, 男方都係與未成年少女發生性行為, 仲要導致女方懷孕, 打風都打唔甩 !! "與未成年少女發生性行為" 係刑事案, 只要一報警, 就唔輪到你妹妹是否自願了, 可以話 100% 警方一定告男方. 因為有證有據, 點走?? 一報警, 佢一定坐硬監 !!!
好老實講, 雖然我的宗教不容許我們放棄嬰兒, 但係你妹妹不是 26 歲, 只是 16 歲 !!! 書都未讀完, 點生小朋友?? 佢打算今日出去打 5000 蚊既 M 記工養大個仔?? 還是全希望父母當養多一個?? 今時今日, 一對月入 4 - 5 萬的夫婦都要為養育小朋友攪到頭到大埋, 你妹妹有可把砲承擔如此巨大責任 ???? 唔好講話佢有責任生佢出黎, 生佢出黎佢先最唔負責任.
你爸爸極反對就一定啦 !!! 點同人交代?? 自己生多個?? 還是個女未成年比人攪大個肚??? 仲要諗埋養多一個, 點會唔煩??
咁嘅環境, 只有一個辦法報警, 拉左件男仔先, 出得黎玩預左要還, 咪等佢又走去溝第二件 !!!聯絡母親的決擇
http://www.motherschoice.org/, 看看有什麼可以支援是否人工流產是後話, 但亦要盡快考慮, 因為 BB 會長大的. 如冇記錯, 手術要係 16 周前做的.
2012-04-17 17:23:44 補充：
條文意思係. 男仔不論任何情況, 都不可和 16年歲以下女仔發生性行為.
如果女仔年滿 16, 未夠 18, 男仔係冇女方家長許可下同女仔發生性行為, 一樣犯法 !!!
2012-04-17 17:30:09 補充：
根據條文, 如果你妹妹同佢發生關係時滿 16 歲, 但你家長冇批準個男人咁做架... 所以佢一樣犯法. 如果你家長諗住同佢講大話, 就係妨礙司法公正, 一齊坐 !!!
佢好仔就唔會攪大人個肚啦... 好仔做野之前就好好考慮一下後果, 最少都買個袋啦...
我眼見奉旨成婚, 仲要係10 幾歲既人, 無一對可以捱過 20... 當佢地大左, 見多左野, 就知道根本唔可以/ 唔會再係埋一齊, 到時有個小朋友係度, 仲麻煩... 到頭來害左個小朋友...
2012-04-17 17:30:15 補充：
當然係生命啦... 不過係我地比個生命來世界既時間, 係咪都要考慮一下, 如果多左佢既出現, 會唔會拖累左兩個一既一生... 我唔係社工, 唔知點講, 但我相信你明白我既意思... 最終決定如何, 是你家事... 不過唔好感情用事, "生命" 係重要, 但唔係所有考慮既焦點...
2012-04-18 16:42:59 補充：
既然你全家都心煩. 你身為長兄, 地位就特別重要,
當事者亂, 可以, 但你一定不可以亂. 當爸爸不能作決定時, 你就是一家之主 !!
兩家人坐埋一齊傾係必然嘅, 地點可以選你屋企, 但請你妹妹留係房內, 由媽媽陪著. 然後你們兩個男人, 平心靜氣的問問男家究竟想點. 男家梗係唔想個仔坐監就咁一世啦, 唔代表佢地真係接受有個 16 歲的新抱同埋個孫的 !!! 人, 總係自私嘅 !
2012-04-18 16:46:38 補充：
你直接講 "依家唔係我地要告你, 係如果大家堅持一定要生個 BB 出黎, 一入醫院, 醫院一定報警, 而你個仔就一定坐監 !!, 定係你想叫我個妹返大陸生, 等個小朋友成世留係大陸??? 大家係咪一樣堅持要生個小朋友出黎, 等你個仔入去坐幾年, 然後出黎一家團聚?? "
期間你個妹住邊?? 肯定係你地屋企, 個 BB 又點樣處理, 咪一樣要你地帶大, 唔通每月問佢地攞津貼?? 佢個仔已經坐左監, 你覺得佢地仲會唔會付出? 老實講, 90% 佢地只係望大事化小, 小事當無, 過左海就神仙了...
2012-04-18 16:52:52 補充：
你個妹梗係唔聽啦, 愛情係盲目的. 16 歲人你想佢明白咩道理, 你叫佢比埋條命個男仔都得啦... 但佢生左出黎後, 就算比佢地結埋婚, 又點樣保證日後一定開心??
奉旨成婚, 2 個加埋未夠 35 歲, 可以做咩?? 每人一份 6000 蚊既工, 咁樣一世, 一害就害三個人啦... 係咪要兩小口子連埋個 BB, 由細到大都要痴住屋企??? 咁樣真係注定隔代貧窮, BB 長大後駛費越來越多... 大家係咪又不停咁樣接濟佢??? 冇可能, 最終又係要上一代救佢地, 咁救得幾耐 ???
2012-04-18 16:53:00 補充：
如果大家真係理性既, 向現實妥協, 放棄 BB (再重新我亦好尊重生命, 但一個生命會拖跨兩個年輕人, 甚至兩個家庭, 咁樣就完全唔同了), 兩個人就算將來係咪一齊, 一樣可以重新起步的, 好過一起巳跑就注定失敗了...
