經常唔想返工..有咩方法可以令我日日去返工..??

＃　當反去免費學野　
　　平時讀　ＣＯＵＲＳＥ　都要比好多錢　　

＃　你男友努力反工時，　
　　你都會想同佢一齊努力　

＃　同同事老闆打好關系　，　一齊食　ＬＵＮＣＨ

你同佢地相處得開心　


要當公司系你第二個家　

我覺得係你無目標之餘又唔夠決心，點解住埋一齊你就唔願返工？係咪男友出錢養你由得你唔返工？係的話佢似乎寵壞左你。一個好女仔，應該識得為你男友著想，佢大把錢就話疊埋心水做少奶奶姐，唔係的話唔通你會想見到男友為搵錢養家養你而捱得好辛苦嗎？唔為人都為自己，萬一將你們感情有咩閃失，唔再同佢一齊生活，你都要有錢照顧自己同屋企架。講真有錢邊個會想搵工浪費時間，你問十個九個都係唔鍾意返工的，你想有好點的生活咪有努力啦。

其實我細個時岩岩做嘢都好似你咁,尤其讀完書之後頭嗰2份工做一個星期就冇做了,讀書辛苦原來反工仲辛苦,之後就退休左一年,但發覺退休生活仲辛苦好悶..發覺自己太頹廢,但我點樣俾自己堅持落去呢,我同女朋友定左目標就係儲錢,開個定期戶口,決定每年去一次遊行,我記得第一次去左日本,發覺自己既眼光太短了,井底蛙.唔係日本點樣點樣好玩,係因為日本好多嘢香港係好落後,尤其日本人我服從性,用在工作上真係事半功倍,我唔係崇日,,只不過覺得做人要開闊眼界,經過呢次我反工無好似以前咁要俾女朋友踢落床了,努力儲錢,儲起的錢又投資基金,依家每年最少去2個國家,我同女朋友都有3個鋪頭,你發掘下自己鍾意咩,好似我咁定個目標,你得家!

2012-04-15 18:58:43 補充：
不要過度沉迷求''簽'',迷信呢d嘢,只可以参考!支求簽話你工作順利就好,但如果話你一工作就倒楣,不過30之前一定發達,咁你係唔係訓係張床等??命運係靠自雙手的,好似梁振英細個燶到爆,努力先有今日成就,而唐英年細個就公子哥儿,,係答問大會指手劃腳,扭晒計咁,無眼睇!!

如果你真係有心戒除呢個念頭既話，我建議你主動叫你男友唔比家用你或減少，直至你返工為止。

同埋，你要分析一下係你本身真係咁懶定係份工令到你唔想返（例如工作時間長，工作性質唔啱你），同埋你搵工既時候可根據你既興趣或專長黎搵，咁樣可以會比左Ｄ動力你去返工。

老老實實，的起心肝同男朋友博埋呢幾時，買左層樓你訓幾耐都得。

雖然我是小孩,但我覺得你可以做以下東西:

・把你最重要的東西放在公司,日日上班珍惜它

・電話鬧鐘較做:「番工啦!番工啦!再唔番工男友會打

你架!!!」

・毎天對鏡子説:「我番工啦!/我做得到!」

・對公司所有野産生感情

・笑着面對