我今年15歲,同19歲既男友拍拖岩岩好4個月,我地係網上識既,見面後仍然非常甜蜜,我同佢住得好遠,而我要讀書;佢要番工...所以大家約好1個月先見1次
講下我既背景:係學校既高材生(考全級首10名),學2種樂器(高級),要番教會(崇拜+做侍奉)雖然我係學生,但係我比番工既男友更忙,拍拖前已經要忙裏偷閒,維持名次…拍拖後冇耐已經發生一d問題,因為我得太少時間陪男友,導致男友成日唔開心,我一直感到自責,努力咁抽多d時間…直至而家,呢個問題先少左發生(問題仍未解決)男友既家人無意中發現佢拍拖,但佢家人好通情達意,並冇反對…相反我媽極力逼我承認拍拖,我當然死口唔認…但佢同我爸做好多變態野….1.有一次,我爸偷睇我fb(我冇登出),佢同我媽逼我解釋我既近況講咩(我打既野一向好玄),唔解釋唔比開飯,我只能解釋2.我爸偷聽我講電話3.我媽一向唔中意我傾電話,但我同男友約好左一個禮拜傾一次(每次差唔多2個鐘)..我係房傾電話既,我媽就成日入房聽我講咩,唔准我走,我一走就發我脾氣4.我媽強逼我比自己既fb佢睇,我出計仔比主頁佢睇5.我d親戚成日講我fb既動態比我父母知,好似報串咁6.每次出街我媽都問得好詳細,搞到我同男友出街要不斷掩飾,我出街仲要時不時報平安7. 我媽偷睇我同男友既msn既對話上次考試我考全級16,我媽一口咬定係因為拍拖,但我就認為係因為F.3當左幾科我唔擅長既Phy,chem先考得差左(可能係我既藉口,但我溫完書先同男友傾計)..最近我第一次冇做齊鋼琴miss比我既功課,我知係我唔好,但又我媽賴落拍拖度,大佬呀= =我係人黎家嘛,假期我要溫書同休息架!!我成日發惡夢,我父母會拆散我同男友,心理壓力好大..但我男友己經草緊結婚既資金,非常愛我,我點都要同佢一齊….><心結:其實我對家既歸屬感好少,童年時家人唔比我出房(去WC都唔比),怕我影響屋企所做既生意,我覺得我當時既生活有做貓狗既感覺…大左之後,因為學業同樂器既問題不斷比我媽鬧,勉強取得平衡…而我經歷過友情,愛情既挫折,形成九型人格既第四型,沈默寡言,我媽視之為冇禮貌,又鬧…佢問我點解成日唔開心咁,我可以點答佢姐,佢就係我痛苦既來源!!!佢仲叫我扮開心都好呀…細少少果陣,我做左一件大錯事,我打算向我媽講出我既心結,點知先講到開頭,佢就鬧:我唔係要知呢d呀,我係問你點解咁做!!(做錯事既原因,同我既心結相關)從此,我對我媽就好少講真心話我個人比較順從,我媽鬧我,我都係唔出聲,唔想爭辯,佢鬧我唔應佢,冇禮貌.我一出聲佢就話我駁嘴,講到係佢既錯咁我明白父母對我好好,滿足我好多物質上既需求,但我淨係想佢地比番d空間我
點先可以解決咁多問題呀???