我是否應該和他分開

我同男友一起已七年了,佢大我十六年, 七年前認識我佢就搬來同我住,(我有個仔, 住公屋), 今日佢同我講要同我分開下, 因為佢忍受唔到我太過就個仔, 咁多年咩都謢住個仔, 成個月前佢半夜返到來大大聲講嘢, 個仔好細聲問我可唔可以細聲少少, 佢訓唔着, 佢唔仲意,佢就記到依家, (今日話要分開又講返哩件事),上星期叫我返大陸, 但指明只係同我兩個人, 我話唔想留個仔自己係屋企, 佢又唔仲意, 結果佢成晚冇返來, 返來又冇解釋,後來俾我發現佢個袋有深圳某夜總會的咭片, 我都冇問, 餐餐一齊食飯都話我仔哩樣個樣, 總之同佢一係冇嘢講一係閙, 有時我都覺得個仔好可憐, 其實我都唔知為咩, 我又唔係靠佢養,( 因為佢都冇俾家用我, 只係剛剛屋企裝修係佢俾錢), 我只係思想好傳統, 親戚朋友見過晒, 之前個段婚姻又有問題, 再分開好似唔知點咁, 好似過唔到親戚朋友個關, 所以依家都唔知點好, 其實我有諗過分開可能會好D, 但一時間又唔知點, 我係由佢走定係留佢呢? 唔該俾俾意見呀!