應否武力收回領匯?

政府早應強行收回領匯及港鉄主權，才令市民佩服！

喂,老友,你真係講到上哂腦,知唔知你可能犯左法.

如果梁特首真係跟左你咁做,你就係教唆.

當然,我都會勸佢唔好咁做,始終打人係唔岩.

2012-04-12 13:51:39 補充：
其實領匯係管理上冇問題,的確,商場係改善左好多,但係我地就唔係講佢點好,所以呢樣唔講住.

領匯最大問題係有2個:狂加租或不續租,同租戶定下不平等條約(例如2年死約,租戶當然有義務去完成,但業主則保留隨時收鋪既權利);第2個問題係領匯無從民生角度去諗過點設計規劃(例如小孩同老人既活動空間係唔夠),畢竟係屋村商場.

2012-04-12 13:58:01 補充：
如果你同意以上2點,則不能夠話政府收回管理權就可以改善目前既問題.以前租平,其實都有問題,我都試過租商場鋪當貨倉用,咁係令使用率降低,而租鋪方面,業主係好難收番間鋪,呢樣我都唔係好明點解,但你可以留意,以前d屋村鋪係可以一做就幾廿年,唔做既係自願,未聽過係唔租,呢個制度又對其他未入場既人造成唔公平,我會咁形容:等個老闆死左唔做就到下一個.

2012-04-12 14:05:48 補充：
我而家跳過好多步講重點,立法針對領匯冇意思,租可以用租管角度去立法,規劃亦可以從規劃既角度立法,咁做就可以制約埋所有業主.

立一條法例去針對一間公司,你似乎仲勁過共產黨喎.

2012-04-12 23:23:41 補充：
領匯收得番,港鐵又話收,2電煤氣又收,3大油公司又收,係咪所有野都係國企就會對香港人好.

我係完全唔同意政府上哂身就一定好.

ps:原則上冇租客會希望被加租或被趕走,但我發現呢個情況係會對某D商戶反而有利,當然普遍會係連鎖店,用大家樂做舉例,3面夾擊(食材,工資,租金上升)下,呢5年業績仍然可以維持增長,咁係經營有道.所以,只有消費者可以怨,做生意既朋友就唔好怨,因為做生意係命中註定要面對經營困難.

2012-04-12 23:31:51 補充：
我強調一點,買番領匯係冇可能,如果再花精神時間去嘈呢樣野係冇意義.

我都好討厭領匯,我都試過比佢地玩,但要知道,有D野我地係可以做,有D野係冇可能做到,將精神花係自己能夠做到既事,否則係極為不智.

你要係度打幾隻字蛇UP係好容易,但係要落手做,我就係問你可以點做,真係一句話回購咁簡單?