美白的方法

美白的方去不乎防曬，敷面膜，搽美白產品，我可以介紹市面上效果最好嘅防曬，面膜同美白產品比你。但未介紹之前，我仲有一個美白法方介紹給你，你可以嘗試我介紹比你嘅方法：

我睇過一本書叫《原來皮膚科名醫這樣保養的》，你可以用含有維他命c嘅美白產品，爽膚水，潤膚膏，臉膜都得，因為維他命c有抑制色素沉積作用。

仲有一個直接嘅方，係面上搽上維他命c導入液(sasa有得買，兩百蚊有找)。如果你想效果好啲，可以搽完維他c導入液後再用離子導入器按摩面部(fit box有得買，但要2千幾蚊，我問過醫生，唔用導入器，就咁搽都ok。)爽膚水，潤膚膏，臉膜可能會有其他致敏物質，但直接補充維他命c就能免除致敏呢個問題。

講些小題外話，佢話毛孔粗大同出現幼紋係因為皮膚之下的膠原蛋白變薄，但你千祈唔係嘥錢買膠原蛋護膚品同食品，除非打針，否則膠原蛋白無法浸入皮膚底層，所有膠原蛋白食物經消化後會分解成安基酸。

正確保充膠原蛋白方法，係幫塊面補充維他命c，因為維他命c係製造原蛋白重要原素。

另外，我行書局睇到本書，叫做《徐教授才敢說的真相》，呢本書詳盡記錄市面上可以買嘅護膚品作出比較，仲列出多個排行榜，例十大最好潔膚品牌，十大最好潤膚品牌，十大最好保濕品牌，十大最好面膜，十大最低致敏品牌等等。

寫呢本書嘅人係專業化驗師，內容絶對專業。好過你去聽人講邊隻邊隻品牌好，但係又唔知人哋講嘅嘢專唔專業。(同埋一隻品牌唔係所有產品都一定ok，所以先致會有呢個排行榜)

我把書中的排行榜列出，希望對你有幫助。
潔膚產品：1.neutrogena潔面梘(?) 2.perfect whip潔面乳 3.orbis潔面粉
保濕產品：1.Shiseido乳霜 2.Dr.Wu保濕乳 3.理膚寶水多容安濕潤乳液
美白產品：1.Shiseido淨白露 2.Kose精乳液 3.Shiseido精華素
面膜產品：1.beauty easy晚安凍膜 2.我的美麗日記面膜 3.neutrogena面膜
抗皺產品：1.L'oreal Paris眼霜 2.Dew Superior精純乳 3.Vichy抗皺精華
抗敏產品：1.Garnier保濕爽膚水 2.雅漾深滲保濕乳 3.kiehl's爽膚水
抗痘產品：1.曼秀雷敦抗痘凝膠 2. Garnier抗痘筆 3. the body shop茶樹淨痘棒
防曬產品：1.Shiseido防曬露 2. Allie ex uv防曬乳 3. Sofina防護乳
缷妝產品：1.Fasio潔顏油 2.DHC深層卸妝油 3.Perfect Liquid卸妝液 你從呢個表揀產品時，有四點要提你：
1.你見潔膚產品第一位嘅neutrogena潔面梘我打了一個問號，因為呢本係一本台灣書，書中有啲產品係香港好難搵，例如neutrogena潔面梘就搵唔到。無法，只好用第二位嘅perfect whip潔面乳，效果一樣，而且係萬寧屈巨氏有得買。2.如果你皮膚較為敏感。所以你只需要買第二位嘅perfect whip潔面乳，仲有最低致敏產品嘅第一位Garnier保濕爽膚水，咁就最隱陣。

3.提你，護膚產品要配合自己膚質，如果你揀保濕產品，而你的膚質屬於油性就唔建議用第一位，因為會增加皮膚負擔，只好用第二位Dr.Wu保濕乳代替(所以最好自己買書睇)。

4.被列入第二第三位嘅產品，未必唔好，例如潔膚產品第三位嘅orbis潔面粉就可以代替磨砂膏(如果你有黑頭嘅煩腦，身邊一定有朋友介紹你用磨砂膏。)用磨砂膏有兩大唔好處，第一，用力過猛會磨傷皮膚，第二，唔適合敏感性同暗瘡性皮膚。用orbis潔面粉最大好處係，潔面粉裏嘅木瓜酵素可以溶解角質層，唔會傷害皮膚亦適合任何膚質。但係唔可以成日用，只可以一星期用二三次，因為角質層本身有保護皮膚作用，過度頻密去角質，只會令皮膚容易變得敏感。可惜呢個咁好用嘅產品只可以去尖沙咀K-11裏orbis專門店有得買，你行街經過，可 以順便買支，又或者上網訂。

我以前成日覺得名牌美白面膜一定好,真喺大錯特錯....原來..苡仁粉..又平..功效仲好.......