因誤會分左手求復合但我男朋友唔回覆我訊息

好無助 !!!

上上個星期5我問我男朋友復活假可唔可以俾半日我,同我睇戲。佢話唔得閒又話補課,之後我問佢:係唔係拎三個鐘陪我唔得。佢話呢個唔係佢能力範圍,咁我話:學校唔會每日要補課,你唔去就算,我唔逼你。直到個晚sms,佢不斷話我接受唔到佢冇時間, 話我經常發脾氣(事實上冇),佢話對我好失望要冷靜幾日,唔肯聽我解釋。期間我有向佢道歉,佢唔覆我msg,到我忍唔到我問佢:係唔係我唔值得你原諒? 佢先話 : 我怕我講錯野令你亂諗。

上星期一夜晚佢就係facebook打近況,話我講一套做一套,又話我唔守承諾。咁我睇完當然唔開心,就問佢想點,佢死都話我星期5嬲左佢,抱怨我打近況係facebook等如唔體諒佢。我就解釋件事佢唔聽,反而話: 本來我想冷靜下,唔想做傷害大家ge事,依家我想果斷解決,旋即解除同我facebook關係,仲失蹤成個星期。

我有sms佢挽回,俾個機會大家,佢同我ge朋友有勸佢唔好一時意氣。係呢個星期我入院,佢連一句關心問候都冇,自己就繼續失蹤。後來我打左一篇千幾字既心聲email俾佢,內容除左係提及重新開始,都有關於我一直想講ge心聲,相遇的回憶,我仲整左本相簿影片。可惜佢一直冇回覆過我。昨日我係facebook打一段近況: (好了我倦了,不要再爭吵了!) 我既好友叫我休息,別要再想。之後我回覆好友:(好呀) , 我男朋友讚好呢個留言。我好唔明白佢既心思......


我同佢識左一年,拍拖前係兄妹關係,,,上個月先開始一齊。每次佢唔開心就會自動失蹤。我承認我俾到壓力佢,要佢定時定候搵我,但因為我唔想失去佢。以前我有過一個男朋友,佢要考al同我分左手, 個時仲出現第三者,我從來冇管過ex既生活......

我好想男朋友肯俾個機會我地重新開始,已經唔知呢一刻可以點做了?
點解佢唔覆我訊息,難道我太煩?
我完全唔明白佢心思.....