有關英國留學的問題.

halo, 我係英國讀緊書, 希望幫到你丫=]

1.我讀完f.3之後去,會吾會好遲?
>> 我都係讀完個f.3 先去英國讀書既, 唔算太遲, 因為你可以catch up 到去考佢既gcse 之後就可以考埋佢既gce a level 上大學, 咁會比一d 只係去讀gce 既學生會有優勢

2.咁去到果到係讀邊級ga?
>> 會係year 9, 即係f.4.
3.去到讀咩學校?係咪讀寄宿學校好d?
>> 最好係讀independent school, 即係私校, 因為好多私校都會有boarding house/host, 但local 既學校就可能會冇, 咁你要自己出黎自己住, 對住識朋友同埋番學等等既方面, 就會有問題了.

4.如果係公務員子女係咪會平D?大約要幾錢一年?係咪有幾套機票?
>> 會, 會afford 最多到9000磅 既學費, 但係provided 要你屋企人係要係1996年之前已經係公務員, 如果之後先入職, 係冇得有呢個津貼既. 一年有3套機票, 機票sponsor 去到21yrs, 學費去到19yrs

5.有冇d好既學校可以介紹?係咪要成績好好先可以入到?
>> 如果你係aim 9月入學, 而家搵就可能有d 遲, 因為好多都full 哂, 與其係呢度睇介紹有咩好學校 (因為都唔好expect 一定有, 因為都會full), 最好就係直接搵agent 幫你攪,因為佢地會知道而家仲有咩學校係有位既.

6.要點報學校?
>> 你要先去搵升學既agent, 佢地問你要你既成績同埋你既reference letter, 之後佢地就會幫你搵學校, 幫你同英國既學校contact.

7.入學洗唔洗考試,面試果d?
>> 要, 會有entrance test, 如果做得唔好既話, pass 唔到, 或者係meet 唔到佢要既standard, 佢就會唔收, 有一d 學校會派代表黎hk in 人既.

8.洗唔洗著校服?係邊到買?
>> 當學校俾左offer, 真係收左你, 佢就會話你知校服係邊度買, 好多時都係係school shop 買 (ie 即係到左英國先買), 如果學校係著suit 既話, 佢亦會有guideline 俾你話你可唔可以唔買學校果d 自己出去買, 但係如果你係去讀f.4 好大機會係要係school shop 買.

9.要準備d咩同埋要帶d咩去ga?(例如要帶幾多件衫...)
>> 呢一d, 我覺得, 等你有左offer 先再concern, 因為如果未有offer同機票等等, 呢一d 野都係言之過早了.

10.我英文唔係咁好,去到會唔會比人笑?咁點先可以講好d英文T_T?
>> 你先可以先睇一睇英文既newspaper 同peral 電視台, 再唔係亦可以上去youtube 睇有英文subtitle 既節目, 多聽既話, 對你講會有幫助, 多睇既話, 對你寫會有幫助, 但如果你咩都唔做, 只係expect 去到英國一定會識哂既話, 就會難了,. 因為好多英國留學生去到英國都只係同hk人玩, 變左好似係hk讀international school 咁.

11.去到果到會唔會好難識到朋友?點先可以識到朋友?
>> 你要主動, 因為你係插班, 你諗下如果係你hk既學校, f.3突然有個中國人 (外國人)插班入黎, 本係果班讀左2年既你, 都唔會話好主動咁同果個新同學講野啦, 所以, 一切都係要靠你自己既, 只要同佢地打開少少既話題, 就會好多了, 但係你要先認識英國既野, 咁先同佢地會有common topic, 如英國興d咩, 有咩電視等等, 因為如果你呢d 都唔識, 佢地點同你講呢? 同時, 好多時會有好多hk 同你一齊去, 咁就要depends on 你係唔係因為想快d 埋堆就同hk玩了.

希望幫到你丫, 有d咩可以再email我的=]