請教-人際關係問題,

呢個唔係八字的問題,主要係性格的問題啫!
如果你兩個都係性格比較固執又好勝的,有乜野事都要爭認叻,唔肯認低威,咁咪成日都會為d小事嘈一大餐啦!
你再試試大家傾傾,既然大家都唔想無左呢個朋友,唯一辦法只有係互相遷就,講野唔好大家爭住講,就萛覺得對方講得唔啱都唔好即刻出聲,等對方講完先再慢慢講自己的意見,如果你兩個以後都可以忍口,咁慢慢習慣唔再為d小事爭執,就仍然係好朋友咯!

就萛佢忍唔到,為左友誼只有你自己就就佢啦,如果你啱唔啱乜都任佢講晒話晒事,又唔會同佢嘈,睇佢會點先?
如果佢真係當你好朋友,試過幾次都係你忍佢就晒佢,咁佢都應該知道自己唔啱,慢慢都改變遷就返你啦!
如果你肯次次都遷就佢,啱唔啱都唔同佢嘈,但佢自己都唔識得反省,仲以為自己大晒要你樣樣就晒佢的話,咁呢個人都唔適合做朋友咯,就慢慢疏遠佢把啦!

做朋友最緊要大家性格夾,可以互相遷就先可以長久,如果大家性格唔夾,乜野事都會嘈一餐的,咁做朋友都無意思啦!

2012-04-05 16:10:00 補充：
可能你們很年輕,待人處事比較率直,所以時時會為小事而爭吵,並非大家性格真的有什麼問題,,只要大家都珍惜友誼,不再好勝及固執的話,慢慢互相遷就相信應該沒有問題的了!

如果你3問8字的事係呢到問你就錯啦
不過呢到的我可以試試解答你
(咁我有個a朋友,成日都嘈大家試過坐低傾下,但過一排又嘈
我唔想冇左呢個朋友,大家都試過"就"對方又試過為對方改)
咁樣係好事來架 因為你地感情深 先會唔想冇左對方 因為唔想冇左對方 你就會去對不住或者改過 這樣是證明你們友情的深厚 朋友間有吵架是很正常的事
有吵架再和好 其實這樣是能讓友誼更深的一種事例:)
所以唔洗擔心 你地其實係好好好到爆的朋友先係 唔洗怕
仲好我好欣賞你做錯會改:)咁樣你地的友誼又會更加之強
我相信同8字-.-冇咩關係 因為我有個朋友又時都係會吵架再和好-_-
係你諗多左 不過你識擔心友誼 又再一次證明左你同佢的友誼好深
希望幫到你