發夢夢見先父給我一輛黃色的跑車，清明節快到，我應該怎麼辦呢？

不變勝萬變
你就算燒比佢都冇用
其實而家有好多人都以為將一D紙札品燒比先人,佢地就可以享受

而事實就係,講到明燒衣,重點當然係燒紙札衫褲啦
其實當人係著左一套完整,潔淨的的衣服咁死的話,燒D錢就得

但若果佢係著住爛衫爛褲咁死,你地就算幫佢的遺體穿上幾咁華麗的衣服
其他鬼魂只會一下搶走該先人的所以衣服(即係你地幫先人的遺體穿上任何衣服,佢的靈魂就會有套一樣的衣服),搶剩件底衫
只要佢一日冇衫著,佢都會唔安寧

所以就要燒一套衣服比先人著,而呢套燒比佢的衫,其他鬼魂係唔會搶的,因為燒的祭品係有綁定效果的(唔識用正經文字表達=.=)
至於坊間D人又話燒屋,燒車,燒iPad,我心諗,聽講燒0個的野係一比一架wo(我估),你燒間玩具屋比先人玩?

我都有類似發夢心得 :自從我〝亞媽〞死後幾個月裡，我間中都有夢見她。 有一次發夢夢見她正在簽文件，我好開心對她說 : 原來妳未死呀，於是我立即上前看看文件上的日期，日期是在她未死之前的， 我心好痛對她說 :妳真的已死了，我即是哭醒了 !!! 之後...不到 7 天就收到好多文件，而文件是辦理我〝亞媽〞有關轉名的手續。 所以...依我發夢的經驗推測，在夢裡是我媽簽文件，而在現實裡即是家人要簽文件。 所以...你的夢好大可能是要你家人/你送【一輛黃色的跑車】 !!! 其實夢境的世界...有時... 真的有它意思，你就送他【一輛黃色的跑車】吧，相信做了對你及家人都會安心好多的 !!!

2012-04-05 12:50:39 補充：
To : 否極泰來
人生本無常，何必要執着。萬般帶不走，只有孽隨身。
自古以來，有多少人能真正明白這無常的道理！
為何往往要走到人生之盡頭才能夠明白。

其實我們大家都好清楚知道，人逝世後是不能帶走世上任何東西的，
但我個人好認同一樣嘢 : 人只能帶走的是〝罪孽〞!
無論是否有任何宗教信仰，我相信都逃避不過〝死後的審判〞，
所以當我們還是人身的時候，要多【 行 善 積 德 】!
因此... 我們實際上對〝先人的思念〞是重要過〝世上的物質〞!

2012-04-05 13:02:21 補充：
To : r0bokon
你做乜會咁驚鬼嘅呢 ? 事實上... 呢個世上真係有鬼，只是你未遇過。
亦即是〝空氣裡〞含有〝氧氣〞一樣，我們是看不到的。
最大可能... 你而家正在同鬼對話中 (即是我本人 Ma Ka) 呀 !

2012-04-07 12:29:42 補充：
To : 否極泰來
你的夢在我第1次時已解答了，如你不想自己親自做，可找家人做，
又或者俾錢請人幫你做都一樣，做了只不過令大家都安心些吧了!

至於... 你先父已過身十年了，其實時間多久並不重要，
重要的是... 你們大家都仍掛念他已足夠!

而我在第2次的解答，只不過是我從各方面的宗教統一得出的結果，
實屬個人見解，因大家都未真正去過第二度空間!

2012-04-07 13:10:11 補充：
To : r0bokon
好高興你有如此大的反應，『我 Like 你』!
我在此重申... 我的解答並不是〝勸人〞要做什麼事，全是我個人經驗所得的。
為了尊重版主，我不會在此詳細與你討論。
如你有興趣想繼續討論此問題，歡迎你自己另開一版做版主，
我好樂意繼續與你探討〝異度空間〞的問題！

2012-04-08 13:10:04 補充：
用咁溫柔嘅方式答法咪幾好囉，而家真係叫做 : 『大家好』!
由你最初較粗俗的〝寥寥可數〞言語，
直至現在改變得咁... 詳細體貼溫柔，
真的令人有〝刮目相看〞&〝好舒服〞嘅感覺，【我勁 Like 你】呢 !

2012-04-08 14:09:40 補充：
To : 否極泰來
其實唔係個個都能與〝先人〞在夢中相見，
要大家都〝念掛着 & 有緣〞才能在夢中見的。
就例如好似我咁 :
我爸在這幾個月裡，時常都想我媽在夢中找他，
可惜... 至今 1 次都未曾發過 1 次夢，
而我真的好關心我媽，我媽也好疼錫我，我好傷心!

2012-04-08 14:35:09 補充：
在此誠意送你一曲念掛親人的歌 >>> 天涯孤客
http://www.youtube.com/watch?v=V5RAKGpBw7g&feature=related

2012-04-09 14:57:16 補充：
指明送跑車可能因素有:
1> 在異度空間裡也通脹得好厲害，多多錢都買唔起，不如直接報夢叫你送。
2> 又可能先父剛考了車牌，嗰度冇架車款啱佢口味。

2012-04-10 13:05:39 補充：
現實世界裡的東西與另一空間全是不同的，全部都係用紙製造的，
所有嘢都要重頭學過。因車無需汽油，如有任何油或水份都會完全溶化的，
加上又咁輕 & 勁飄移，無論點也要重新考過牌。

2012-04-11 13:49:44 補充：
To : r0bokon
多謝你咁有心... 入吓嚟我嗰檔〝睇花〞 & 安慰我幾嘢喎，我『超 Like 爆你』啊!
你咁單純... 我一早都知你諗唔通【@@】o架喇，有機會才幫你通通吓!

2012-04-12 14:41:38 補充：
我好明白你o架，但你而家唔係見鬼，只係... 鬼咁多嘢講... 咋!

wahhh........

老豆送嘢俾你，唔使講多謝ga..............?

老馮ge 咩.............?

2012-04-04 14:53:17 補充：
wahhh........
按樓下咁講.......否兄，你咪發.......?
否兄，收到架黃色跑車後.........可唔可以通知聲.........?
我到想知係咪咁猛...........

咪啦......到係去瞓陣發吓夢先.........

2012-04-06 12:58:40 補充：
mon，
做人咁耐，乜嘢鬼未見過呀?

我唔係怕鬼，
只係想知否兄先翁系下面撈得咁掂，若果真係功力咁猛，咁就點都想我D先祖去結識吓啦!
如果佢地有幸學番一招半式，我無跑車，都有架麵包車啩?

其實，做人最緊要唔好 "人唔似人，鬼唔似鬼" 啫，
未死就先嚟鬼聲鬼氣，使唔使咁早呀? 你慌你無機會咩!

講到 "孽" 囉喎，就更加自欺欺人添。
佢都拉柴走咗咯，帶埋D "孽" 隨身? 真係攞嚟拓咩!
D孽係留係世ge，邊個想唔通、執着，咪邊個受囉，拉柴果個就關佢叉事咯，佢到去咗逍遙快活啦，你咬佢食咩!

你都係唔好勸人喇，自己諗通先啦!

2012-04-07 15:58:36 補充：
mom........多謝讚賞......
我近排得閒啫.......我大賓仔下個月番嚟，我就好忙ga la.......得閒飲茶啦........

否兄，你先翁仙遊咗咁耐，又知你唔識揸車.......咁佢送俾你果架黃跑，就梗係玩具車啦......
佢ge意思就係，唔理你幾大，都係佢個乖乖仔，佢都好掛住你，送嘢過你玩囉.......
你就唔好好似D港童咁曳，多謝都唔講聲啦........
唔使搵人搞ge.......你講句多謝，俾心機做人，佢就已經甜到入心肝脾肺腎ga la，佢瞓係下面都識笑啦......
D老豆.......好易 tum ge 啫......... :)

2012-04-09 11:18:58 補充：
mom......眞係多謝你咯......我仲有好多優點ga.......你慢慢掘啦........ :)
我唔係嚟玩河蟹ga......不過你舒服咯......有機會未醒多你兩嘢囉........
平時我淨係對我大賓仔咁好ga jar........ ^^

你都唔好咁傷心啦，陪你呀爸飲吓茶，行公園，哂吓太陽，咪仲好。
呢排公園D花開得勁靚呀.......

2012-04-10 14:20:28 補充：
@@........

2012-04-11 21:02:18 補充：
係呀.....mon.......我見鬼呀.......

有人話過夢境同現實正好相反，可能是你爸爸想你送車俾佢啊。

黃色的跑車像是帶著神秘

佢唔鍾意太極，鍾意聽粵曲。

送返首《紅色跑車》答謝佢