男仔之間的友情問題

我讀男孩, 今年中五.
性取向正常, 有時會同班fd一齊gup隔離女校啲女仔.
早幾年亦試過睇a片, 總之無論外表定思想都唔覺得自己基.
問題係我有個中學相識幾年嘅同班男仔fd,
大家都好信任, 交咗真心比對方,
佢性格好貪玩, 而我性格沉實啲, 一向心底當佢係自己細佬.
覺得佢好多時候要我幫助, 而我精神上亦唔可以冇左佢.
平時小息食飯打波都一齊,當哂佢係好兄弟.
但係最近有時見到佢同其他人玩好似仲開心仲自然,
而我好似令唔到佢咁開心,令佢對我好似好應酬,已經唔多當我好似以前咁fd.
個心有啲酸澀咁.
自細覺得世情險惡, "相識滿天下, 知己無一人",
所以格外珍惜呢個咁真心嘅好兄弟,
但係有時太過投入憧憬同佢友誼永固,
比佢冷落左時, 心裏真係不是味兒.
如果你問我, 我只想我哋兩個可以繼續日日一齊玩,
同大班其他普通fd一齊玩都冇所謂, 但係唔忍心呢個好兄弟唔係側跟.
我只想佢每日陪住我, 如果唔係我會感得好失落.

我呢種心態正常嗎? 我其實潛意識中係咪有啲想同呢個好兄弟搞基?
友情有冇可能真係昇華到咁?定還是我想得太多?
我咁樣算唔算太大嘅佔有慾?
我有啲咩可以做到?迷惘...