如何管理我的美容院

雖然我唔係做美容,但我都係做零售+服務行業,希望可以從幾個重點幫到你.

2012-04-01 22:12:53 補充：
關於產品,好既產品唔一定好賣,但好既銷售技巧必然會令產品好賣.
關於定價,以168至480做範圍,係定價錯誤,168這價錢是蝕本(減去工資,租金,電費等),而480更是自殺式定價,係你自己唔比自己搵更多錢.建議定價分上中下三個層次,下價用以招來新客,中價用以保留舊客,期望產生穩定現金流以支付固定成本,上價就留比花得起既客,你可能10個客會撞中一個呢類客人,但你假如將上限設定於480,潛在利潤就此消失(你夠膽定低價,點解唔夠膽定天價?.

2012-04-01 22:24:40 補充：
關於管理,你係一人公司,冇管理可言.你有個問題,就係一對手做野只可以搵一舊錢,搵得幾多係有數得計,建議增強零售業務,與其你幫人做,不如教下d客點自己做,幫你買下產品好過,有機會可以收錢開班教客做,因為你可以同時教幾個.方法仲有好多,總之就係要變,因為你行緊既方法唔得,要突破搵錢"有限"呢個模式.
關於優惠,其實你係唔需要提供優惠(咁不如分上中下三路價錢),要明白,服務性行業唔係講優惠,係講質量,客人黎做美容,主要唔會因為你平,反之,你係夠料,收貴d反而仲多客.優惠做得多,就做到自己鋪頭cheap哂,令客人冇左黎幫襯你果份虛榮.

2012-04-01 22:37:08 補充：
關於定位,你要清楚為自己,為公司定位.如果你係一位專業美容師,就唔該你開工要著制服,而唔係日日開工都著去街衫;公司定位會對長遠發展有影響,簡單咁講,假如你今日冇想過,公司5年後會搬去大3倍,有10個員工既規模,5年後你只會同而家一樣,想下唔一定就得,但唔想就一定唔會得.

總結黎講,生意唔同打工,生意係生,只要肯經常改變,就會成功.今日sasa咁大間上市公司,當日都係商場仔百多尺鋪做出黎,所以,做生意仔唔係問題,但用做生意仔既頭腦做生意就有大問題.

2012-04-01 22:47:05 補充：
突然想起上中下價既補充,一般客人大多數唔會有價值觀,即係話,客人係唔會計算到你成本係幾多,合理利潤又幾多,從而去知道貴平.如果你出到3種價格,就可以幫客人容易分辨出貴平,亦同時幫自己去介紹"平"既產品(因為有貴既出現,就令下面既都變成平),客人亦有選擇(同時亦將"選擇的困難"交番比客人),但緊記,所有野要易明,最好可以短時間就令客人明白貴平,從而選擇,否則就捉蟲,令客人"選擇困難"而需要過份思考,生意都冇埋.

ps:我講既所有野都冇意圖叫你做任何呃人既野,做生意一定要老實,唔係笨實,明冇?

2012-04-02 01:30:11 補充：
"我間係屋村地舖黎架!我既客人都有介紹好多朋友過黎,如果唔係死得仲快!! 我都有俾番D優惠佢地架! 好似D舊客,我好少加佢地價,而且仲比平時平! 我每個月都會推出唔同既優惠引D新客試做嫁! 我既療程由$168至$480 不等,價錢方面都算中等,都唔知點解會咁! "

困局1:因為客人多由舊客介紹,故此不單沒有提價,反而仲要減價,生意額上升,毛利率下降.
困局2:租地鋪原意係靠人流帶來新客,相反要靠客帶客形成生意,即係使用率低,形成租金貴(實際上你係屋企,或樓上鋪做都得,點解做做埋埋要黎交租?
困局3:優惠套餐吃掉潛在利潤,如果你只識銷售低利潤產品,利潤從何來?

2012-04-02 01:39:13 補充：
"有關定價既問題:我其實參考左大大小小既美容院,睇下佢地SET既價錢係多少,因為一般最普通既美容療程,大約都係$100-$240 ,所以又不能SET得太高,而$480既療程對屋村黎講,真係唔係太多人會做,同埋附近有D收好平既美容院/屋企經營既都有,所以真係好慘,左右做人難!!所以我都唔知應該點樣去SET價錢,同埋我唔識點樣計我既成本.點樣先叫做有盈利呢! "

2012-04-02 01:39:23 補充：
做生意只用價格戰略係冇出路,固有思想係我只要平就有客幫襯,但無利可圖,不如做義工.另外係,對手set低價可能只係招徠手段,或者我從另一個角度講,好多係出面做幾萬蚊美容既客都係屋村客,所以你認為屋村客只比得起480係你主觀感覺.我再講多次,服務性行業係具獨特性,你唔係賣洗衣粉,間間賣既野都相同,唔需要跟實人地既價.

2012-04-02 01:50:44 補充：
關於利潤&成本,簡單計就係收入減支出(包括你既工資),而開鋪時需要裝修,買架生等,而呢筆投資需要每年折舊(最後係一文不值),所以假設頭一年,開鋪用左20萬,該年利潤最少要10萬,2年回本都只算打和,定價就要由此目標入手.

美容對於我黎講,都算係幾無中生有,你自己都明,做幾萬蚊既美容唔一定效果好過幾千蚊,可能到最後都係講緊幫客人建立自信心,你既優勢係有熟客,放膽d去銷售更高質量既美容服務,希望將毛利提升.

2012-04-02 02:09:56 補充：
仲有一樣野想講,我唔係好明你點比優惠,以我自己理建,比優惠必須要連數量提升,例如5送1,係比左優惠,但就要幫襯6次,如果你以每次計然後打折就對你冇咩好處,或者係你加價但送多一兩次,點都好過減,減就意味住你既生意額一定跌.

妳所開設的地點是樓上舖？商場場舖？以妳現在的狀況，應該唔會係街舖卦？
言歸正傳，妳的客人有冇 referal 俾妳？
如果客人有 referal 俾妳，妳會否有少許甜頭俾番個客？或者掉番轉，妳本身的 service 有冇令到客人主動俾 referal 俾妳？

我開業已經差不多3年,客是有的,已經有110個,但生意一直未如理想,每個月都不能達到收支平衡,我用既產品方面都很好,為何生意額都不能提升,有冇美容院老板可以教下我應該可以點做呀!!!教下我經營之道呀!!我係一個人做架!! 點樣可以增加生意額呀? 答: 市場學的科題裡, 集中討論市場的組成部份和營運管理的技巧, 對於小型企業的銷售, 其實不太多; 不過, 值得推薦給閣下, 是其中兩個傳統法則, 希望可以幫到你。 RFM模型在客戶關係管理的分析模式中, RFM模型被廣泛採用, RFM模型是衡量客戶價值和客戶創利能力的工具和方法。RFM模型是通過一個客戶最近一次購買的時間多久(Recency), 購買的總體頻率(Frequency), 以及花了多少錢(Monetary), 以這三項指標來描述該客戶的價值狀況。RFM模型的優點, 是以動態的形式, 具體地描繪出一個客戶, 某方面的消費行為輪廓; 利用這些數據, 方便進行個性化的溝通和服務的提供。RFM模型的操作: 給每一變量設定五個等級, 從1到5(1為最低, 5為最高)給它們分別標記, 然後給每個客戶打分; 15分的客戶, 就是最佳的客戶, 3分或3分以下的客戶, 估計無利可圖。依據RFM模型資料, 設計一個客戶接觸頻率的規則, 如: 光顧美容院後一至二周內, 發出一個感謝的電話或電郵, 並主動關心消費者是否有使用方面的問題, 一至二個月後, 發出使用是否滿意的詢問, 三至四個月後, 提供一些美容產品的銷售建議, 同時, 開始注意客戶流失的可能性。使用RFM模型, 客戶再購買和使用服務的機會也會大幅提高。RFM模型的適用範圍: 這模式非常適用於生產多種商品的企業, 而且這些產品的單價相對較低, 如化妝品, 小型家庭電器, 超級市場等等; 同時, 也適用於在一個企業內, 只有少數耐用商品, 但該商品中有部份是屬於消耗品, 如復印機, 打印機, 汽車維修; 另外, 在某些行業上, RFM對於加油站, 旅行保險, 運輸, 快遞服務, 證券公司也很適合。二八法則 二八法規是歷史最悠久的傳統營銷法則, 亦稱為 “帕累托法則”。二八法則是通過統計的闡述, 發現20%的客戶創造了80%的銷售額或利潤, 20%的商品佔領了80%的銷售比率。運用這個法則, 可以理解和明白 “少數決定多數” 。在營銷的實踐中, 注意培養客戶, 努力從80%的群體中, 發掘屬於20%的客戶, 從而不斷地提高營銷效率和產品銷量。真係做到個人好灰,冇哂心機! 答: 原諒筆者的直言, 創業者, 應該較其他個別人士, 更重視以下的理念: 1.) 目光遠大: 創業者, 一定要把目光遠望, 製定10年或是20年的計劃, 亦只有這樣長遠的計劃, 才能決定現在行動和方向; 否則, 往往左顧右盼, 步履艱難。2.) 建立企業文化和營商理念: 仍記得, 在去年無線劇集 “我的如意狼君”中, 本事哥(佟本善/李浩)提到: 生意不成仁義在; 在具體的表現上, 徐芯(唐糖)沒有忘掉她父親的說話, 把有問題的醬油一一倒掉。當然, 沒有金錢的支持, 不能創業; 創業後, 企業沒有盈利, 亦不能營運下去; 但是, 在無數創業, 繼而倒閉; 再創下, 再倒閉的案例上, 我們得到以下的總結: 聚焦在盈利上, 只是短視的看法。一間企業要生存下去, 獲得合理的財富, 就需要為社會創造更多的財富。

∮★至強潮流雜誌優惠宣傳套餐★∮★雜誌廣告套餐只須＄３０００以下！

《食客@Times》內容集生活資訊、潮流、購物及美食指南等元素，主力以採訪稿形式介紹各類型資訊。

當中包括時裝、電影、數碼產品、健康、美容及化妝等。《食客@Times》雜誌的內容則重點介紹不同類型的食肆，內容包括有食評及全港的美食及食材介紹、優惠及美食專題，致力讓讀者能夠掌握第一手美食情報及資訊。

隨書附送A5 Size《優惠站》外，額外的50,000 本《商戶優惠集》會於人流暢旺地點 ─ 尖沙咀、旺角、銅鑼灣、荃灣等地區免費派發。Ａ5 消費優惠小冊子會刊登各類型商戶優惠券，讓市民享用優惠之餘亦有助各商戶推廣業務。雙線並行的推廣模式，覆蓋更全面及廣泛。


☆廣告製作為一條龍式製作，贈送攝影服務、廣告設計及撰稿。

☆全版 215mm(W) x 270mm(H) 送 1 格《優惠站》COUPON 額外的50,000 本！
☆跨版 430mm (W) x 270mm(H) 送 2 格《優惠站》COUPON 額外的50,000 本！

封面內頁跨版
☆A5 Size 小冊子《優惠站》每格COUPON 位廣告宣傳
(A5 SIZE 優惠站小冊子) 148mm(W) x 52.5mm(H)/每格
只須＄３０００以下！

■貴客戶朋友如有任何需要，請聯絡本公司～

歡迎查詢、報價或索取參考樣本圖照。

◤尊客熱電【６１８１８２１１／６４１８３４８８／９１５６０１２２廖生