想買電子琴, 但怕唔識用

✔ 最佳答案

1.電子琴每次轉voice果陣係咪1定要打個數字= =?但我有睇過d片, 彈果個人好快咁禁左D唔知咩制...就轉到voice....係咪自己可以save快速鍵之類既物體? 無錯﹐好多電子琴有 "preset" 功能﹐比你可以一下轉晒D聲。例如﹐你想 "split" 左邊鍵彈大提琴﹐ 右邊鍵彈鋼琴+小提琴 (dual voice)。你要先調好所有野﹐ 然後調好相對的大細聲 ﹐ 儲存之後﹐ 下次一按就可以叫返個切定出來。 2.我見到好多電子琴最左邊個位都有個好似"轆"既野, 佢係咩黎= =? 用來滑音﹐扮弦樂器用。例如﹐ 琴鍵 B 同 C 中間係無音的﹐ 但用個滑音"轆" ﹐就可以玩倒電結他推弦線的效果了。 3.電子琴可唔可以"咩"住出街?會唔會重死(70幾個key)? 一般61 鍵己夠用。76 鍵果D己接近數碼鋼琴了。有個問題你要自己考慮 : 彈開鋼琴的﹐ 一定會覺得電子琴個觸鍵太輕﹐得條彈弓﹐ 好唔慣。所以有 "weighted keys" 既電琴﹐ 將琴鍵加重到好似鋼琴咁。輕的琴﹐ 如我用開的一部61鍵﹐ 只有 12 磅。但我另一部88鍵 weight keys 觸感同鋼琴有得揮的﹐ 則有 60 幾磅重。簡單來講﹐有 weight keys 彈得過癮﹐ 但就會好重。另外﹐ 連喇叭果D也會重少少。(好多比較高級的電子琴是不帶喇叭的﹐ 一定要接耳機或另一套音響才有聲) 仲有就係﹐你咩住個琴出街﹐ 個琴係會越行越重的 ! (當然後抽象說法啦 !) 4.電子琴係咪唔可以掃琴?(會壞??) D塵入左去會可能整壞個琴。不過其實問題唔大。 5.電子琴成日話既midi係咪黎? midi 講起來好長篇。網上有好多介紹。 midi 本身唔係一種音樂聲﹐你可以理解為佢係一種 "比電子琴睇既琴譜"。 6.電子琴一定要插住電先用得?定係佢有電池?如果有一般可以用幾耐?? 多數低級電子琴先可以用電池。通常10 個8 個鐘唔係問題。

2012-04-01 16:24:25 補充：
電子琴太多功能，雖然其實大同少異，但正常人係會花多眼亂的。
不過有幾點你要注意：
1 - 要有 line out ，（左右聲道，接喇叭用）
2 - 要有 usb 同 midi 。可以同電腦連線，多多野玩，呢世都玩唔晒！
Casio 最抵玩， Yamaha 最多選擇。Roland 我見最多人用。第一部不如平平地買 casio 啦。學識D功能後再買部勁既都唔遲。況且大部份彈 key 的都起碼用兩部琴啦。

回答 (2)