被樓下投訴滲水

站係你既立場去睇,其實你地係唔應該私了,你係唔應該比佢入屋睇,更加唔應該答應佢任何條件,因為咁係間接承認責任,而你地雙方唔係專業人士,邊個可以肯定責任誰屬?

排水管裝置於下層單位,你係冇主動性去進行定期檢查及維修,亦可以因為樓下裝修時破壞,呢樣係大家都唔知.

關於賠償,係需要一個程序去追討,而唔係話賠幾多就比幾多,例如佢知道漏水,仲將貴重物品放於受影響地方,從而要求賠償,咁係唔合理,再加上,只要你承認責任,索償係可以唔只一次.

一般情況,唔包括任何賠償條件下,由樓上出錢做番維修,當中唔會出現任何法律程序,咁可以算係大家好,假如涉及法律程序,就一步都冇得讓,所有野都要清清楚楚.

2012-03-30 12:14:40 補充：
我自己都成日做呢類工程,我都會上下2邊傾,其實極少出現賠償,實際上樓下要舉證係相當困難,亦唔見得有經濟效益(賠償唔係為錢,唔通為搵野做咩).

2012-03-30 12:19:04 補充：
另外建議你唔好搵番個裝修師傅做,因為樓下會先入為主,認為師傅偏幫你,應該搵第三者負責此工程,如果只係打橫身既喉,而唔涉及直身喉,有屋宇署D類工程第三級別就可應付,總之雙方都客觀對事,呢件只係蚊型工程,唔需要太擔心,有咩唔明,再問,但就唔好叫我幫你做.

2012-03-31 12:33:35 補充：
樓下朋友,外牆又好,室內又好,公家渠係指直喉,橫喉係屬於自己,而唔係你認為果種想法去區分.佢既個案,維修工程係好小事,賠償先煩,因為做工程只係一次過付錢,但賠償就可以沒完沒了.

樓主你是有些誤會，單位是你們的，但外牆去水喉是公家的，須要由管業處安排維修。你現時就算想維修，亦不能從你之單位去做，必須於樓下去更換排水管。
所以你們現時應一同到管業處，尋求解決方案。

2012-03-31 12:12:46 補充：
賠償是維修後之事，你現在不用擔心先；你現時首要是先維修好喉管先。