如果送無反俾影開相ge人係唔係好傻?!

都幾傻架!
"我見到Olympus 部OM-D E-M5好似幾好咁" --- 係人賣野都係話件野點好點好架啦 !

映靚相﹐首先係個攝影師技術同知識﹐ 次要係個鏡頭﹐ 相機本身反而唔係咁重要。 (當然前提係佢己經有相機)我唔知你男友用咩機或用咩鏡﹐但總會有支鏡頭係佢手上無而又心思思想試下的。 大眼定焦﹐魚眼﹐長炮﹐ 微距﹐ 移軸﹐ 加加埋埋夠買層樓 !所以除左一D超級富豪﹐ 無咩人會支支鏡都有。 你買部新機送佢﹐但佢手上D鏡頭全部唔(口岩)用﹐ 真係完全付合 "無啦啦﹐整達啦" 既定義。 卡片機己經無咩意思﹐電話己經可以映相。如果你想買影相野既話﹐ 不如買支鏡頭啦。又或者﹐ 有D人想返樸歸真﹐ 可以買部菲林機比佢。 我係男人﹐中年中產﹐ 用開C記﹐ 如果我老婆送部咁野比我﹐都唔知係扮鐘意好定係喊好。

送條相機減磅帶比佢好過其他啦. 用相機減磅帶可以減輕相機重量負擔便不會好似好辛苦好重咁. 去旺角永成或cam2或天祥或dc fever 等都有. 正貨約二至三百元.

你睇下佢中唔中意用無反先
不過,E-M5都O岩用開單反ge朋友用
佢spec係E-5 ge spec
而且有五軸五級防震,防水,B快門preview, EVF, 3D追焦, 連拍每秒9張
相信你男朋友如果用開單反,都會O岩用呀E-M5

你真係要考慮佢的需要，我地外人唔知佢的喜好，可能你男朋友真係好鍾意用單反，所以唔怕辛苦唔怕重，如果你送無反的畀佢，佢可能會唔鍾意，因為你送咗畀佢，即係逼佢以後用你送嗰部，如果佢唔用又唔知點咁。
所以你一係試探吓佢，問吓佢會唔會換過部相機先，再考慮啦。