究竟點先可以不再內向?

由細到大{係由幼稚園開始-.-}我都比老師話係好文靜怕醜咁..
但我係屋企, 對住啲真係好熟既朋友又唔係咁..完全另一個人嚟

即係咁, 係啲同學面前我可以全日一粒聲都唔敢出, 但對住frd果陣係chatterbox,, 可以好high好癲
我feel 到我係好怕人- -
唔知點解對住啲唔熟既人成日都會好驚好緊張..
有時見佢地幾個係到傾計, 明明好想加把口一齊八下傾下,,
但都唔夠膽咁做
晏係覺得出咗聲之後會比人笑/鄙視

但對住frd又完全唔會擔心呢啲問題, 可以好free咁講野、大笑

結果讀咗5年中學(男女校)識得4個fd, 得一個frd先知道真正既我係點..但我同果個frd又唔同班
更加唔好提男仔, 完全係無男仔fd

之前有啲科目有分組project要做, 結果全班無人同我一組,, 小型project就得自己一個去做晒佢然後一個人出去present..大型果啲就由個老師塞我去唔夠人果組
我覺得自己好似阻住咗人地成班friend一組咁,
佢地傾pj果時我真係完全唔敢講野, 好驚打擾到佢地
果下感覺真係好難受好惡頂,
自己咩野手都幫唔到

次次出去present仲要比老師話唔夠大聲, 又要re-pre, 超唔開心

之前我都有試過對住果班同學微笑吖咁, 盡量向佢地表示善意
但都係無人肯show我...
仲要試過有次聽到有2個女仔係到講緊我係未啞,自閉囉,,
又話未聽過我把聲

後來頂唔順上年終於轉咗校, 情況先至好咗啲
去到新學校我已經無咁驚, 因為大家都唔識大家,,
所以我可以做番個''正常人''
雖然係咁但其實當我要同唔識果啲人講野果陣依然係好驚...
老師問親問題好多人都會主動去答我就從來無答過..(唔知又係到驚啲咩-.-)

要出去present果陣又係好驚..手腳都震晒咁樣

小學開始已經係咁樣, 但果時d同學仔個個都好好人,
並無話唔理我, 甚至去到小學畢業寫紀念冊仲同我講去到中學要大膽d, 唔可以再咁怕醜
但最後我都係咩都做唔到...

但其實比起之前E+真係''正常''好多
起碼有小組討論果d我會出聲比意見先..都可以同d唔熟既同學傾下計咁
係之前間學校我完全無可能做到呢d野

但點樣先可以完全唔再咁驚???
真係好煩