好攰好煩好炆 點算好

HELLO
雖然我唔係DSE
不過我都係最後一屆AL
就考筆試
就個人會考經驗
愈近考試愈要放鬆心情
但係又唔係叫你完全唔溫唔理
而係千萬唔好一日到晚通宵溫書(雖然我呢個時間覆你好冇說服力)
一來到考試前一晚可能唔適應瞓唔著
第二日又要早起....
咁你多數都唔夠精神考
最緊要係睡眠不足會令情緒變差

首先
作息要定時(而家仲泥得切)

第二
可以一邊溫一邊做運動(有d人未必適合)
例如sit-up / 拉筋
一來運動可減壓
二來又慳到時間溫書

第三
所謂家有一老如有一寶
其實可以同老人家傾下計
唔好以為浪費時間
其實老人家都好多料
儲起泥做通識唔多唔少都有d幫助
又陪到老人家
一舉兩得
同理
做家務都可以溫書
例如讀econ可以係買餸個時聯想下d theory
其他科都可以咁諗下，再唔係一路做家務一路背書背vocab又得
總之就係學科融入生活

最後
最緊要保持心境開朗
俾自己十足信心，放鬆應考
如果覺得頂唔順
可以沖杯熱飲(不建議奶荼咖啡)
再食粒糖
深呼吸
保證身心舒暢

都知道第一屆DSE嘅學生要面對嘅壓力真係唔細..
你仲咁乖肯分享屋企嘅家務真係好好..

不如咁啦...
可以的話落街行個圈...
既可以俾自己走動吓..
又可以俾自己放鬆睇吓野...
再唔係打俾D同學傾吓電話..
身邊仲有好多同路人陪住你架..
加油呀~~~
再唔係你可以add我msn..
呻吓都好丫..
我叫anna..
[email protected]