幾多級鋼琴先可以彈黑色幽默呢首歌?

1) 兩個月應該乜都考唔倒﹐ 報名都黎唔切啦。2/3) 彈鋼琴﹐特別是流行曲﹐ 說穿了只是右手彈旋律﹐ 左手彈伴奏﹐ 伴奏來來去去都係果3~5 個 chord﹐有心的話﹐ 真係唔難。況且同一隻歌﹐ 你可以彈得簡簡單單﹐ 也可以彈到天花龍鳳。所以初級都一定彈倒﹐ 只係質素問題。4) 以你情況﹐ 有兩個月時間﹐理論上是可以彈得似模似樣的。 但你自學就一定唔得。因為你需要一個可以就住你既程度﹐ 隨時改譜﹐ 甚至是特別為你寫過一份剛剛好兩個月可以彈得倒的譜。 順帶一提﹐如果你唱歌OK﹐ 可以考慮自彈自唱。到時你左右手都彈 chord﹐ 旋律靠把口唱出來。 難易就好難講﹐ 我有個朋友一級都無但佢可以自彈自唱﹐ 也有演奏級的朋友只能照譜彈﹐ 點都唱唔倒。 如果可以用電子琴的話﹐你一兩日己可以學識自彈自唱成首歌﹐淨下的時間用來背熟晒D野。(因為電子琴可以 "偷雞" ﹐ 兩隻手指就可以彈晒成隊 band 出來。)總結: 我信你有心有力有時間﹐ 所以最大問題只是去邊度搵個咁既老師而已。 唔係個個鋼琴老師都識上面我講D野﹐好多都係學院派﹐ 一定要你由淺入深。也有D老師可能會話 : "得﹐ 你拿份譜來﹐ 我教你" 。 這些老師都幫唔倒你。所以你最大的困難﹐ 是去邊度搵個肯陪你一齊癲的好老師。 Sorry﹐ 我無住香港﹐ 幫你唔倒。你可以去 Band 論壇睇睇。 一般打 band 果D鍵琴手應該可以幫倒你。
http://hkbandmusic.com/

2012-03-22 23:13:55 補充：
未聽你彈過﹐無人知你兩個月可以去到咩程度。
我講果位可以自彈自唱既朋友﹐ 佢無鋼琴底﹐ 但2星期就可以自彈自唱"新不了情
"。 所以我覺得你有兩個月時間﹐ 都該可以彈得到的。
自彈自唱係用口唱旋律﹐ 雙手都彈和弦。 隻歌既和弦網上大把﹐ 你可以自己搵下
添﹐ 呢度有個比你參考下:
http://www.hk-pub.com/forum/archiver/tid-762990.html
彈熟幾個和弦﹐ 加埋把口就攪掂。