更新1:
TO MAN: 我覺得我個人好奇怪啊, 我有時係好想自己一個靜靜地, 即是如果成班同事出哂去, 我自己一個留係office係無問題, 因為我好想要寧靜的空間, 因為我成日都會自己一個發呆, 放空, 我可以無端端做做下野望住一個點發呆。 有時佢地就係我隔離傾計, 我都會有種想融入去既衝動, 因為我覺得自己被outside出來個感覺好怪, 其實我份工已經番左2個星期, 但我同啲同事真係無野講, 有時同佢地出去食飯, 佢地有佢地傾計, 我就自己一個食野, 好似搭枱咁, 我已經係靜靜聆聽, 間中微笑, 但我全程唔講野啲人以為我啞架。
更新2:
我都覺得自己係太緊張太介意自己既表現, 因為我對住朋友可以好開朗, 總知一同朋友一齊比到我熟悉感覺我就成個人生猛哂, 完全兩個唔同既人黎, 而家攪到我覺得自己好失敗, 唔敢同啲朋友講我番工果陣會咁樣, 始終都唔係咩光彩事, 我已經早上同走都會講早晨&bye, 但平時一齊做野都淨係講公事, 仲要一句起兩句止, 坐埋一齊都唔知講乜。反而工作能力我覺得自己可以handle得到。
更新3:
我帶飯係因為我真係好唔想去一個會令我唔舒服既情況, 同啲同事一齊我好辛苦, 又無野同佢地講, 自己又唔可以好relax咁同佢地相處, 我都明白我愈逃避就愈worse, 但我可以點, 我真係好大壓力, 日日番工都好似自閉咁, 成日好似有野抑壓住, 呢個問題真係好似個長期腫瘤咁困擾住我好耐了, 我曾經因為呢個困擾已想過自殺.../___\ 點算好