✔ 最佳答案
聖母院書院:喺樂華巴士總站或樂雅苑巴士站(向牛頭角道方向嗰邊)乘九巴2A($5.2)去到亞皆老街球場落車,向車頭方向行,左轉富寧街,過富寧街既馬路,右轉盛德街.
梁式芝書院,青松中學:喺樂雅苑或樂華南邨對面巴士站(向康寧道方向嗰邊)乘九巴13X(寶達方向,$5.2)去到梁式芝書院落車,過對面便是梁式芝,轉入曉育街,後面既對面就係青松.
聖公會蔡功譜中學:喺觀塘裕民坊巴士總站或裕民坊巴士站(喺正條街上; 喺較近康寧道嗰面嗰個站)搭九巴17($5.2)去到何文田廣場落車,向車頭方向行,去到第一個忠孝街交界過對面,右轉忠孝街再過對面,過咗牧愛街交界就到.
dbs: 喺樂華巴士總站或樂雅苑巴士站(向牛頭角道方向嗰邊)乘九巴2A($5.2)去到太平道落車,向車尾方向行,過對面,轉入嘉道理道慢慢上山到盡頭; 或喺相同上車位置乘往旺角既紅小巴(秀旺線,$10.0),去到近基堤道交界落車(喺過勵德街交界之後可直接嗌拔萃男有落),之後前進些少會去到一條樓梯,上樓梯會去到中學既運動館同宿舍,再繼續行過去會去到中學主大樓.
2012-03-20 23:19:15 補充:
注意樓上兩位回答均有錯處或睇漏樓主所寫部份字眼,樓主唔好亂信!