我想成為歷奇教練

吓? 你以為歷奇教練是甚麼? 想有甚麼升學途徑? 你想有可供銜接的課程?

歷奇教練只是坊間一些機構舉辦的課程，攀山攀石水上活動繩網陣樣樣都識，最多教你一些所謂的輔導、治療。你只要考齊山藝教練、運動攀登教練、攀岩教練、拯溺、獨木舟教練、風帆教練、繩網教練...之類教練資格，都已經好接近。

歷奇教練學：『協助參加者提高自信心、自尊感、自我價值、改善人際溝通技巧、團隊合作精神、解決問題技巧及個人突破障礙，從而提升個人概念』呢類東西，根本好普通。

其實好多活動，都唔多唔少係有上述特質。例如，你係學校打籃球，入校隊，已經可以包羅全部『提高自信心、自尊感、自我價值、改善人際溝通技巧、團隊合作精神、解決問題技巧及個人突破障礙，從而提升個人概念』所有特質。無論玩行山、運動攀登、攀岩、水上活動、繩網，學習每樣戶外活動本身，都唔多唔少可以『提高自信心、自尊感、自我價值、改善人際溝通技巧、團隊合作精神、解決問題技巧及個人突破障礙，從而提升個人概念』。而且玩任何制服團隊，童軍，民安隊少年團，聖約翰救傷隊少青團...都一定包羅培養所有特質...所以個人認為，話歷奇教練識教特質，根本係好普通。

個人認為，歷奇教練，就係一個多項戶外活動的教練，帶人玩，然後將多項戶外活動，使參加活動者意識到在玩的過程中，自我反省，從而『提高自信心、自尊感、自我價值、改善人際溝通技巧、團隊合作精神、解決問題技巧及個人突破障礙，從而提升個人概念』...

一係你好鐘意玩，已經有玩左戶外活動一段時間（玩邊瓣都好，要累積經驗），已經有一堆教練證書，咁咪走去考呢Ｄ歷奇教練，多過銜頭好找工...否則你實際D，一係正正經經讀社工（社工，可以輔導，係專業人士，要註冊），一係讀康樂及體育管理證書，然後讀文憑，慢慢讀上去。