✔ 最佳答案
以我所看,其實由烏溪沙站行去樟木頭老人度假中心都唔係好遠,喺A1出口出經天橋出,右轉再落返地下,之後向前行,左轉再右轉落禾沙里過埋對面(嗰度係海旁,D路唔會好難行),直去年華路再過一陣就會見到,大約10分鐘步行路程都到啦.我唔覺得轉專線小巴之後會行少好多路(只係由另一邊轉入去咁解),咁點解要嘥D多錢去搭一程只搭一站既專線小巴呢? 去大學站轉更加係不設實際,不必要咁繞咗好大個圈.
2012-03-19 22:45:55 補充:
保守D都係15-20分鐘步行而已.
2012-03-21 20:54:37 補充:
去帝琴灣既住宅範圍其實都係用上面個方法,只係唔需轉入去落禾沙里嗰邊而已,喺西沙路直接入去. 如果係凱琴居亦只需要一條天橋過對面就得,除非閣下真係好驚日曬雨淋,如果唔係真係唔建議乘九巴299. 真係唔想行都係喺烏溪沙站轉坐專線小巴807B/K好D($4.7-1=$3.7).班次上就807K多D,7-15分鐘1班,而807B就半個鐘先一班;5分鐘車程又好似唔駛(唔好唔記得搭既係小巴唔係巴士).