急急急急急!!! 問: 大學interview會問咩問題?

halo, 我apply 過non jupas, 希望幫到你丫=]

1) 我想知道交左form之後大慨幾耐收到院校通知你有得去interview既信or 通知???

>> 我之前都係apply bba 既, 如果係city/poly 既話, 佢地有機會第一round 係phone interview (因為我有朋友係through phone interview), 亦有機會係親身去既, 你係apply 果時, 應該有寫到你幾時係可以interview 既, 你預番交表後3 - 4個月就會有通知了. 佢會either 打電話問你果日interview o 唔ok, 又或者係email 你update 你既, 但就唔會send 信既.

2) 我想問你去in果陣, 除左會問你: 自我介紹? 點解揀呢間學校? 點解揀呢科? 對呢科既前景有咩睇法? 有冇apply其他院校? 平時有D咩喜好? 仲有咩其他熱門問題會問?

>> 我in 過hku 同ust 既bba, 所以expect 佢地既style 應該差唔多, 會係group interview 黎既, 佢地會先叫你地逐一介紹你自己, 如你係讀緊咩, 係邊度讀, 你apply 果科係咩, 你係邊度黎等等(因為non jupas 有學生會係唔同國家黎, 如英國, 美國, 國際學校等), 佢地唔會問你點解揀佢, 亦唔會問你對佢既前境= =, 之後佢就會一個topic 你地, 可能係事時, 有可能係同佢學校有關既, 就叫你地group discussion 討論一下, 咁個個人都可以發表下意見. 用呢一樣野亦可以睇到你係一個team 入面係唔係活躍既一個人黎既...

>> 當然, 上面果d experience 係ust 同hku 既style, 去到poly 同city 可能會有變, 但好多時都係難唔開點解你揀佢同埋點解呢一科, 做定多一d research, 咁對你答呢一d 問題, 同埋係group discussion 都會有幫助. 同時, 你應該要好好咁練多d 英文, 因為interview 係用英文既, 而且, 好多non jupas 既學生, 都係係外國番黎, d 英文唔係港式english, 所以如果你口窒窒既話, 就算你prepare 左幾多都會變左冇用.

2) interviewer 到最後會問你: 你有冇咩問題想問?
我好想知呢個問題我應該問D咩??? 同埋唔可以問D咩???

>> 冇話唔可以問d咩, 你亦可以問佢幾時會知result, 呢個都係normal 既, 所以唔會話因為你問左, 而攪到你個印象唔好, 如果你真係驚既話, 你太可以問佢, 你好鍾意某一樣野, 係果間大學入面有冇呢個soc 可以join 等等都可以既.有一d 人亦會揀問佢有冇exchange programme, 所以, 你對果個course 有d咩想問, 你可以問的, 唔駛話特登諗d 野出黎問佢既.

希望幫到你丫, 有d咩可以再email我的=]

希望幫到你丫, 有d咩可以再email我的=]